૯ મે, ૨૦૧૭

ભારત બીલ ચુકવણી પદ્ધતિ (બીબીપીએસ) – સમયમર્યાદામાં વધારો

ભારતીય રિઝર્વ બેન્કે બીબીપીએસ નાં વર્તમાન કાર્યક્ષેત્રમાં બિલીંગ વ્યવસાય કરતી સંસ્થાઓએ અધિકૃત BBPOU નાં એજન્ટ થવું કે બીલ ચુકવણીના વ્યવસાયમાંથી નીકળી જવું, એ માટેની અંતિમ તારીખ ૩૧ મે, ૨૦૧૭ થી વધારીને ૩૧ ડીસેમ્બર, ૨૦૧૭ સુધી લંબાવવા માટે નિર્ણય કર્યો છે. આ સમયમર્યાદા એ સંસ્થાઓને લાગુ પડે છે જેને ;

1. BBPOU તરીકે મુખત્યારી માટે અરજી કરી નથી, અથવા

2. આર.બી.આઇ દ્વારા જેની BBPOU માટે ની અરજી પરત થયેલ છે.

3. જેમને આર.બી.આઇ દ્વારા સમય વધારો અપાયેલ હતો પણ ૩૧ ડીસેમ્બર, ૨૦૧૭ સુધી જરૂરી નેટવર્થ હાંસલ કરી શક્યા નથી કે એ અંગે અહેવાલ આપી શક્યા નથી.

૨. આ વધારો , વિવિધ સંસ્થાઓએ દર્શાવેલ સમયમર્યાદાને પહોચી વળવામાં થતી મુશ્કેલીઓને ધ્યાનમાં લઈને કરેલ છે.

૩. BBPS નાં કાર્યક્ષેત્ર નાં વિકાસ, વૃદ્ધિ અને વિસ્તાર ને ધ્યાનમાં લઈને BBPOU તરીકે કામગીરી ને બહાલી/સત્તાધિકાર મંજુર કરવા નવી અરજીઓ મંગાવવાની પ્રક્રિયા ભવિષ્યમાં ફરીથી ખુલ્લી મુકવા માટે રિઝર્વ બેંક વિચારણા કરી શકશે.

પશ્ચાદભૂમિકા

એ યાદ અપાવીએ કે તા. ૨૮ નવેંબર, ૨૦૧૪ ની BBPS નાં અમલીકરણની માર્ગદર્શિકા મુજબ બી.બી.પી.એસ.ના અવકાશ હેઠળ આવરી લેવામાં આવેલ બિલ ચુકવણીની પ્રવૃત્તિઓમાં જે બેન્કો અને નોન-બેંક એકમો હાલમાં પ્રતિબદ્ધ છે તેઓ ભારત બીલ ચૂકવણી સંચાલન એકમો (BBPOU) તરીકે અથવા અધિકૃત BBPOU ના એજન્ટ તરીકે BBPS માં ભાગ લઈ શકે છે.

અજિત પ્રસાદ
સહાયક સલાહકાર

પ્રેસ જાહેરાત : ૨૦૧૬ -૨૦૧૭/૩૦૩૧