<font face="Mangal" size="3">ઈલેક્ટ્રોનિક ચૂકવણીઓ ને પ્રોત્સાહન આપવા માď - આરબીઆઈ - Reserve Bank of India
ઈલેક્ટ્રોનિક ચૂકવણીઓ ને પ્રોત્સાહન આપવા માટે વિશેષ પગલાં
તારીખ: 22 નવેમ્બર 2016 ઈલેક્ટ્રોનિક ચૂકવણીઓ ને પ્રોત્સાહન આપવા માટે વિશેષ પગલાં જાહેરજનતાની લેવડદેવડ / વ્યવહારિક જરૂરિયાતો ને ડીઝીટલ સાધનો દ્વારા પૂરી પાડવા માટે, રીઝર્વ બેન્કે નાના વેપારીઓ માટે વિશેષ વિતરણ અને Semi – Closed Prepaid Payment Instruments (PPIs) ની મર્યાદામાં વધારા દ્વારા વધારાના પગલાં શરૂ કરેલાં છે. નાના વેપારીઓ માટે એક વિશેષ વિતરણ સક્ષમ બનાવવામાં આવ્યું છે. જેના દ્વારા PPIs જારી કરનારા, આવા વેપારીઓને PPI ઇસ્યુ કરી શકે છે. જો કે આવા PPI ની શેષ / બેલેન્સ કોઇપણ સમયે રૂપિયા 20,000/- થી વધી શકશે નહીં, પરંતુ વેપારીઓ આવા PPI માંથી તેઓના સંલગ્ન બેંક એકાઉન્ટમાં પ્રત્યેક વ્યવહાર ની કોઈ મર્યાદા વગર, રૂપિયા 50,000/- સુધી પ્રતિમાસ અંતરણ / ટ્રાન્સફર કરી શકશે. વેપારીઓ એ માત્ર તેમના દરજ્જા અને તેમના બેંક ખાતાની વિગતો ને લગતી એક સ્વયં ઘોષણા પૂરી પાડવાની રહેશે. ન્યૂનતમ વિગતો સાથે જારી કરાયેલા સેમી – ક્લોઝ્ડ PPIs ની મર્યાદા વર્તમાન રૂપિયા 10,000/- થી વધારીને રૂપિયા 20,000/- કરવામાં આવી છે. કોઇપણ માસ દરમ્યાન પુન:ભરતી (Reloads) નું કુલ મૂલ્ય પણ રૂપિયા 20,000/- સુધી વધારેલ છે. અન્ય વર્ગનાં PPIs માટેની વર્તમાન સૂચનાઓ યથાવત રહેશે. અધિકૃત PPI જારી કરનારાઓ દ્વારા રૂપિયા 1,00,000/- સુધીના બેલેન્સ સાથેના પૂર્ણ KYC PPIs ઉપલબ્ધ કરાવવાનું ચાલુ રાખી શકશે. સમિક્ષાને અધીન, ઉપરના પગલાં તારીખ 21 નવેમ્બર 2016 થી 30 ડીસેમ્બર 2016 સુધી અમલમાં રહેશે. અગાઉની PPI માર્ગદર્શિકાઓ આવા વેપારીઓ માટે PPIs ખોલવાની એક અલગ વર્ગ તરીકે ખાસ જોગવાઈઓ ધરાવતી ન હતી અને ન્યૂનતમ વિગતો સાથે જારી કરેલા semi – closed PPIs માટે ની મર્યાદા રૂપિયા 10,000/- હતી. અલ્પના કીલાવાલા પ્રેસ પ્રકાશન: 2016 – 2017/1282 |