ಜನವರಿ 2, 2019

ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಗಾತ್ರ ಉದ್ದಿಮೆಗಳಿಗಾಗಿ (ಎಂ ಎಸ್ ಎಂ ಇ ಗಳು) ಒಂದು ತಜ್ಞರ
ಸಮಿತಿಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ರಚಿಸಿದೆ

ಭಾರತೀಯ ಅರ್ಥ ವ್ಯವಸ್ಥೆಯಲ್ಲಿ ಎಂ ಎಸ್ ಎಂ ಗಳಿಗೆ ಇರುವ ಪ್ರಾಮುಖ್ಯತೆಯನ್ನು ಗಮನದಲ್ಲಿ ಇರಿಸಿಕೊಂಡು, ಎಂ ಎಸ್ ಎಂ ಇ ಗಳ ಸಾಧನೆಗಳಿಗೆ ಅಡ್ಡಿ ಬರುವ ಅಂಶಗಳು ಹಾಗೂ ತೊಡಕುಗಳನ್ನು ಅರಿತುಕೊಳ್ಳುವ ಅಗತ್ಯವಿದೆ. ಆದ್ಧರಿಂದ ಇದರ ಮೂಲ ಕಾರಣಗಳನ್ನು ಕಂಡು ಹಿಡಿಯುವ ಉದ್ದೇಶಕ್ಕಾಗಿ ಇದರ ಸಮಗ್ರ ಪರಿಶೀಲನೆ ಮಾಡುವೆ ಅಗತ್ಯ ಕಂಡು ಬಂದಿದೆ ಮತ್ತು ಎಂ ಎಸ್ ಎಂ ಇ ವಲಯದ ಆರ್ಥಿಕ ಶಕ್ತಿ ಮತ್ತು ಆರ್ಥಿಕ ಸ್ಥಿರತೆ ಸಂಬಂಧ ದೀರ್ಘ ಕಾಲಿಕ ಪರಿಹಾರ ಮಾರ್ಗಗಳನ್ನು ಕಂಡುಕೊಳ್ಳಬೇಕಿದೆ.

ಇದಕ್ಕಾಗಿ, ದಿನಾಂಕ 2018-19 ರ ಐದನೇ ದ್ವೈಮಾಸಿಕ ವಿತ್ತೀಯ ನೀತಿ ವರದಿಯಲ್ಲಿ, ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ದಿಮೆಗಳಿಗಾಗಿ ಒಂದು ತಜ್ಞರ ಸ್ಮಿತಿಯನ್ನು ಆರ್ ಬಿ ಐ ರಚಿಸುವುದಾಗಿ ತಿಳಿಸಿದೆ. ಅದರಂತೆ ಈ ಕೆಳಗೆ ಸೂಚಿಸಿರುವ ವ್ಯಕ್ತಿಗಳನ್ನೊಳಗೊಂಡ ಸಮಿತಿಯನ್ನು ಆರ್ ಬಿ ಐ ರಚಿಸಿದೆ.

ಸಮಿತಿಯು ಕೆಳಕಂಡ ಕರ್ತವ್ಯಗಳನ್ನು ನಿರ್ವಹಿಸಬೇಕಿದೆ.

1. ಎಂ ಎಸ್ ಎಂ ಎ ವಲಯಕ್ಕೆ ಬೆಂಬಲವಾಗಿ ಈಗಿರುವ ಸಾಂಸ್ಥಿಕ ಚೌಕಟ್ಟುಗಳ ಅವಲೋಕನ

2. ಇತ್ತೀಚಿಗಿನ ಸುಧಾರಣೆಗಳು ಈ ವಲಯದ ಮೇಲೆ ಬೀರಿರುವ ಪರಿಣಾಮಗಳ ಅಧ್ಯಯನ ಮತ್ತು ರಚನಾ ಸ್ವರೂಪದಲ್ಲಿ ಇರುವಂತಹ, ಈ ವಲಯದ ಬೆಳವಣಿಗೆಗೆ ತೊಡಕಾಗಿರುವ ಸಮಸ್ಯೆಗಳನ್ನು ಗುರುತುಸಿವಿಕೆ

3. ಈ ವಲಯಕ್ಕೆ ಸಾಕಷ್ಟು ಮತ್ತು ಕಾಲ ಕಾಲಕ್ಕೆ ಹಣಕಾಸು ನೆರವು ಸಿಗದೇ ಇರುವುದಕ್ಕೆ ಇರುವ ಕಾರಣಗಳ ಪರಿಶೀಲನೆ

4. ಎಂ ಎಸ್ ಎಂ ಇ ಗಳ ಸಂಬಂಧ ಪ್ರಪಂಚದಲ್ಲಿ ಇರುವ ಉತ್ತಮ ಆಚರಣೆಗಳ ಅಧ್ಯಯನ ಮತ್ತು ಭಾರತದಲ್ಲಿ ಅಳವಡಿಸಬಹುದಾದ ಕಡೆಯಲ್ಲಿ ಅವುಗಳನ್ನು ಅಳವಡಿಸುವುದಕ್ಕೆ ಶಿಫಾರಸ್ಸು ಮಾಡುವುದು

5. ಈಗಿರುವ ಎಂ ಎಸ್ ಎಂ ಇ ಕೇಂದ್ರಿತ ನೀತಿಗಳನ್ನು ಮತ್ತುವಲಯದ ಮೇಲೆ ಅವುಗಳ ಪರಿಣಾಮಗಳನ್ನು ಗಳನ್ನು ಪರಾಮರ್ಶಿಸುವುದು

6. ವಲಯದ ಶೀಘ್ರ ಬೆಳವಣಿಗೆಗೆ ಶಕ್ತಿ ನೀಡುವ ಕ್ರಮಗಳನ್ನು ಪ್ರಸ್ತಾಪಿಸುವುದು

7. ಎಂ ಎಸ್ ಎಂ ಇ ವಲಯದ ಆರ್ಥಿಕ ಮತ್ತು ಹಣಕಾಸು ಸ್ಥಿರತೆಯನ್ನು ಕಾಪಾಡುದಕ್ಕೆ ದೀರ್ಘಾವದೀಯ ಪರಿಹಾರಗಳನ್ನು ಶಿಫಾರಸ್ಸು ಮಾಡುವುದು

ತಜ್ಞ ಸಮಿತಿಯು ತನ್ನ ವರದಿಯನ್ನು 2019 ರ ಜೂನ್ ಕೊನೆಯಲ್ಲಿ ಮಂಡಿಸುವುದು

ಜೋಸ್ ಜೆ. ಕಟ್ಟೂರ್
ಮುಖ್ಯ ಮಹಾ ವ್ಯವಸ್ಥಾಪಕರು

ಪತ್ರಿಕಾ ಪ್ರಕಟಣೆ: 2018-2019/1540