ഭാരതീയ റിസർവ് ബാങ്ക് പുറപ്പെടുവിച്ചിട്ടുള്ള ‘വരുമാനം തിരിച്ചറിയല്‍, ആസ്തികളുടെ വര്‍ഗ്ഗീകരണം, പ്രോവിഷനിങ് കൂടാതെ മറ്റ് ബന്ധപ്പെട്ട കാര്യങ്ങള്‍ - യൂ സി ബി കള്‍” എന്ന വിഷയത്തെ സംബന്ധിച്ച ചില നിര്‍ദ്ദിഷ്ട നിര്‍ദ്ദേശങ്ങളും കൂടാതെ, ‘’ മേല്‍നോട്ട പരിശോധനാ ചട്ടക്കൂട് – (എസ് എ എഫ്)’ എന്ന വിഷയത്തെ സംബന്ധിച്ച ചില നിശ്ചിത മാര്‍ഗ്ഗരേഖകളും പാലിക്കാത്തതിന് 2024 നവംബര്‍ 05 ലെ ഉത്തരവു പ്രകാരം, ബെoഗളൂരുവിലെ ‘ശ്രീ ചരണ്‍ സൌഹാര്‍ദ്ദ കോ- ഓപ്പറേറ്റിവ് ബാങ്ക് ലിമിറ്റഡിന് (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് 2,00,000/- രൂപ (രണ്ടു ലക്ഷം രൂപ മാത്രം) പണപ്പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകളും കൂട്ടിവായിച്ച പ്രകാരം ആർ.ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.

പ്രസ്തുത ബാങ്കിന്‍റെ മേലുള്ള നിയമപ്രകാരമുള്ള പരിശോധന, അതിന്‍റെ 31 മാര്‍ച്ച് 2023 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, ആര്‍ ബി ഐ നടത്തുകയുണ്ടായി. മേല്‍പ്പറഞ്ഞ, ആര്‍ ബി ഐ യുടെ നിര്‍ദ്ദേശങ്ങള്‍ പാലിക്കാത്തതായുള്ള പരിശോധനാ കണ്ടെത്തലുകളുടെയും, ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില്‍, മേല്‍പറഞ്ഞ നിര്‍ദ്ദേശങ്ങള്‍ പാലിക്കാത്തതില്‍ ഉണ്ടായ വീഴ്ചയുടെ പേരില്‍ പിഴ ചുമത്താതിരിക്കുന്നതിനുള്ള കാരണം കാണിക്കാന്‍ നിര്‍ദ്ദേശിച്ച് പ്രസ്തുത ബാങ്കിന് നോട്ടിസ് നല്‍കുകയുണ്ടായി. നോട്ടിസിനുള്ള പ്രസ്തുത ബാങ്കിന്‍റെ മറുപടിയും വ്യക്തിപരമായ ഹിയറിങില്‍ നല്കിയ വാക്കാലുള്ള സമര്‍പ്പണങ്ങളും പരിഗണിച്ചതിന്‍ പ്രകാരം, മറ്റു പലതിന്‍റെയും കൂട്ടത്തില്‍, താഴെപ്പറയുന്ന കുറ്റം ചാര്‍ത്തലുകള്‍ (ചാര്‍ജ്) നിലനില്‍ക്കുന്നതായി ആര്‍.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല്‍ നിര്‍ബന്ധിതമാവുകയും ചെയ്തു.

പ്രസ്തുത ബാങ്ക്,

1. ചില നിശ്ചിത വായ്പാ അക്കൌണ്ടുകളെ, വരുമാനം തിരിച്ചറിയല്‍, ആസ്തികളുടെ വര്‍ഗ്ഗീകരണം, പ്രോവിഷനിങ് (ഐ ആര്‍ എ സി) - മാനദണ്ഡങ്ങള്‍ക്കനുസൃതമായി, നിഷ്ക്രിയ ആസ്തികളായി വര്‍ഗീകരണം നടത്തുന്നതില്‍ വീഴ്ച വരുത്തി.
2. ഭാരതീയ സ്റ്റേറ്റ് ബാങ്ക് വാഗ്ദാനം ചെയ്യുന്നതിനെക്കാള്‍ അധികമായ ഉയര്‍ന്ന പലിശ നിരക്ക് നിക്ഷേപങ്ങള്‍ക്ക് വാഗ്ദാനം ചെയ്തത് കൂടാതെ എസ് എ എഫ് നു കീഴിലുള്ള മാര്‍ഗ്ഗനിര്‍ദേശങ്ങള്‍ക്ക് വിരുദ്ധമായി പുതിയ വായ്പകളും അഡ്വാന്‍സ് കളും അനുവദിച്ചു.
    

ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്‍റെയോ കരാറിന്‍റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല്‍ ബാങ്കിനെതിരെ ആര്‍.ബി.ഐ മേലില്‍ ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല്‍ യാതൊരുവിധ മുന്‍വിധിയും ഉളവാക്കുന്നതല്ല.

(പുനീത് പഞ്ചോളി) 
ചീഫ് ജനറൽ മാനേജർ

പത്രക്കുറിപ്പ്: 2024-2025/1451