<font face="mangal" size="3px">ബാങ്കുകളുടെ വിവര പ്രദർശനം</font> - ആർബിഐ - Reserve Bank of India
ബാങ്കുകളുടെ വിവര പ്രദർശനം
RBI/2014-15/422 ജനുവരി 22, 2015 റീജീയണൽ റൂറൽ ബാങ്കുകൾ ഒഴികെയുള്ള പ്രിയപ്പെട്ട സർ / മാഡം ബാങ്കുകളുടെ വിവര പ്രദർശനം ബാങ്കുകളുടെ പ്രവർത്തനങ്ങളിൽ കൂടുതൽ സുതാര്യത കൈവരുത്തുന്നതിനായി അവയെ സംബന്ധിച്ച വിവരങ്ങൾ പ്രദർശിപ്പിക്കുന്നതിനെക്കുറിച്ച് പ്രതിപാദിക്കുന്ന 2008 ആഗസ്റ്റ് 22-ാം തീയതിയിലെ ഞങ്ങളുടെ സർക്കുലർ DBOD.Leg.No.BC.33/09.07.005/2008-09, 2008 സെപ്തംബർ 12-ാം തീയതിയിലെ സർക്കുലർ DBOD.Leg.BC.42/09.07.005/2008-09 എന്നിവ ദയവായി പരിശോധിക്കുക. 2. വായ്പകളിൻമേൽ ഈടാക്കുന്ന പലിശ നിർണയിക്കുന്നതിനെക്കുറിച്ച് പരിഗണിക്കുന്ന വർക്കിങ്ങ് ഗ്രൂപ്പിന്റെ ശിപാർശകളുടെ അടിസ്ഥാനത്തിൽ, പലിശ നിരക്കുകൾ നിർണയിക്കുന്ന വിഷയത്തിൽ കുറേക്കൂടി സുതാര്യത കൈവരുത്തുന്നതിലേക്ക് കൂടുതലായി നൽകുന്ന താഴെപ്പറയുന്ന നിർദേശങ്ങൾ ബാങ്കുകൾ പാലിക്കേണ്ടതാണ്. (A) വെബ്സൈറ്റ് (i) കഴിഞ്ഞ പാദവർഷത്തിൽ വ്യത്യസ്ത വായ്പക്കാർക്ക് നൽകിയ വിവിധയിനം വായ്പകൾക്ക് ചുമത്തിയ പലിശനിരക്കുകളുടെ ശ്രേണിയും അത്തരം വായ്പകളിൻമേലുള്ള ശരാശരി പലിശ നിരക്കുകളും ബാങ്കുകൾ അവരുടെ വെബ്സൈറ്റിൽ പ്രദർശിപ്പിച്ചിരിക്കണം. (ii) വായ്പാപേക്ഷ കൈകാര്യം ചെയ്യുമ്പോൾ, ഓരോ അപേക്ഷകനും ബാങ്ക് നൽകുന്ന വിവിധയിനം വായ്പകൾക്കായി ഈടാക്കുന്ന ഫീസുകളും ചെലവുകളും എത്രയായിരിക്കുമെന്ന് അപേക്ഷകരോട് വെളിപ്പെടുത്തേണ്ടതും, സുതാര്യതയ്ക്കും താരതമ്യ പരിശോധനയ്ക്കുമായും, ഇടപാടുകാർക്ക് കാര്യങ്ങൾ പഠിച്ച് തീരുമാനമെടുക്കുവാൻ സഹായകമാവുന്ന രീതിയിൽ ആ വിവരങ്ങൾ ബാങ്കുകളുടെ വെബ്സൈറ്റിൽ പ്രദർശിപ്പിക്കേണ്ടതുമാണ്. (iii) ഒരു വായ്പക്കാരന് അനുവദിക്കുന്ന വായ്പയിൻമേൽ, അയാൾക്ക് പലിശയിനത്തിലും ഫീസിനത്തിലുമായി നൽകേണ്ടിവരുന്ന മൊത്തം ചെലവ് എത്രയായിരിക്കുമെന്ന് വ്യക്തമാക്കുന്ന വാർഷിക ശതമാന നിരക്കോ (Annual Percentage Rate) അഥവാ, അതുപോലെയുള്ള മറ്റെന്തെങ്കിലും വിവരമോ ബാങ്കുകൾ അവരുടെ വെബ്സൈറ്റിൽ പ്രദർശിപ്പിക്കേണ്ടതാണ്. വ്യത്യസ്തമായ വായ്പകൾ വ്യത്യസ്തമായ ധനകാര്യ സ്ഥാപനങ്ങളിൽ നിന്നും എടുക്കുന്നതുമായി ബന്ധപ്പെട്ട ചെലവുകളെക്കുറിച്ച് ഒരു താരതമ്യ പരിശോധന നടത്തുവാൻ ഇതുമൂലം ഇടപാടുകാർക്ക് അവസരം ലഭിക്കും. (B) സൂചികാ / വസ്തുതാ പത്രിക ഈ സർക്കുലറിന്റെ അനുബന്ധത്തിൽ നൽകിയിരിക്കുന്ന മാതൃകയിൽ ഒറ്റത്താളിലുള്ള സുവ്യക്തവും സംക്ഷിപ്തവുമായ ഒരു സൂചികാ / വസ്തുതാ പത്രിക എല്ലാ വായ്പാപേക്ഷകർക്കും അവരുടെ അപേക്ഷ കൈകാര്യം ചെയ്യുന്ന ഓരോ ഘട്ടത്തിലും ബാങ്കുകൾ നൽകേണ്ടതാണ്. അനുവദിച്ച വായ്പകളുടെ ഏതെങ്കിലും വ്യവസ്ഥകളിലും നിബന്ധനകളിലും എന്തെങ്കിലും തരത്തിലുള്ള മാറ്റങ്ങൾ വരുത്തുമ്പോഴും ഇപ്രകാരം ചെയ്യേണ്ടതാണ്. വായ്പാ ഉടമ്പടി രേഖകളിലും ഈ പത്രിക പ്രത്യേകം വേർതിരിച്ച് കാണിച്ചിരിക്കേണ്ടതാണ്. 3. മേൽപ്പറഞ്ഞ നിർദ്ദേശങ്ങൾ അനുവർത്തിക്കുന്നതിലേക്ക് ബാങ്കുകൾക്ക് മതിയായ സമയം നൽകുന്നതിനായി ഇപ്പോൾ വിശേഷാൽ നൽകിയിരിക്കുന്ന ഈ മാർഗ നിർദ്ദേശങ്ങൾ 2015 ഏപ്രിൽ 1-ാം തീയതി മുതൽ പ്രാബല്യത്തിൽ വരുന്നതായിരിക്കുമെന്ന് നിശ്ചയിക്കപ്പെട്ടിരിക്കുന്നു. താങ്കളുടെ വിശ്വസ്തതയുള്ള (എ.കെ. പാണ്ഡേ) സൂചികാ വസ്തുതാ പത്രിക .............. വായ്പ (ഏതു വായ്പ എന്ന് എഴുതുക)
|