“പ്രാഥമിക (അര്‍ബന്‍) സഹകരണ ബാങ്കുകള്‍ക്ക് (യൂ സി ബികള്‍) വേണ്ടുന്ന സമഗ്ര സൈബര്‍ സുരക്ഷാ ചട്ടക്കൂട് - ഒരു നിലവാരാധിഷ്ഠിത സമീപനം (എ ഗ്രെയ്ഡെഡ് അപ്രോച്)” കൂടാതെ “അംഗീകൃത പേയ്മെന്‍റ് സിസ്റ്റംസ് ഉപയോഗിക്കുമ്പോള്‍ സംഭവിക്കുന്ന ഫലശൂന്യമായ ഇടപാടുകള്‍ക്ക് ഉപഭോക്താക്കള്‍ക്ക് നല്‍കുന്ന നഷ്ടപരിഹാരവും പരിഹാര പൂര്‍ത്തീകരണ സമയങ്ങളുടെ സമന്വയവും” എന്നീ വിഷയങ്ങളെ സംബന്ധിച്ച് ആര്‍ ബി ഐ പുറപ്പെടുവിച്ചിട്ടുള്ള ചില നിശ്ചിത മാര്‍ഗ്ഗനിര്‍ദ്ദേശങ്ങള്‍ പാലിക്കാത്തതിന്, 2025 ജൂലൈ 11 ലെ ഉത്തരവു പ്രകാരം ഗുജറാത്ത് സബര്‍കാണ്ട ജില്ലയിലെ ഹിമത്ത്നഗറിലെ ‘സര്‍വോദയ നാഗരിക് സഹകാരി ബാങ്ക് ലിമിറ്റഡിനു’ (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി.ഐ), 3,00, 000/- രൂപ (മൂന്നു ലക്ഷം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകള്‍ കൂട്ടിവായിച്ച പ്രകാരവും കൂടാതെ 2007 ലെ പെയ്മെന്‍റ് ആന്‍ഡ് സെറ്റില്‍മെന്‍റ് സിസ്റ്റംസ് ആക്ടിലെ വകുപ്പ് 30(1) ഉം 26(6) ഉം കൂട്ടിവായിച്ച പ്രകാരവും ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.

ബാങ്കിന്‍റെ മേലുള്ള നിയമപ്രകാരമുള്ള പരിശോധന, അതിന്‍റെ 31 മാര്‍ച്ച് 2024 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി ആര്‍.ബി.ഐ നടത്തുകയുണ്ടായി. ആര്‍.ബി.ഐ യുടെ മാര്‍ഗ്ഗരേഖകള്‍ പാലിക്കാത്തതായുള്ള പരിശോധനാ കണ്ടെത്തലുകളുടെയും ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില്‍ മേല്‍പറഞ്ഞ നിര്‍ദ്ദേശങ്ങള്‍ പാലിക്കാത്തത്തില്‍ ഉണ്ടായ വീഴ്ചയുടെ പേരില്‍ പിഴ ചുമത്താതിരിക്കുന്നതിനുള്ള കാരണം കാണിക്കാന്‍ നിര്‍ദ്ദേശിച്ച് പ്രസ്തുത ബാങ്കിന് നോട്ടീസ് നല്‍കുകയുണ്ടായി. നോട്ടീസിനുള്ള പ്രസ്തുത ബാങ്കിന്‍റെ മറുപടിയും വ്യക്തിപരമായ ഹിയറിങില്‍ നല്കിയ വാക്കാലുള്ള സമര്‍പ്പണങ്ങളും പരിഗണിച്ചതിന്‍ പ്രകാരം, മറ്റു പലതിന്‍റെയും കൂട്ടത്തില്‍, താഴെപ്പറയുന്ന കുറ്റം ചാര്‍ത്തലുകള്‍ (ചാര്‍ജ്) നിലനില്‍ക്കുന്നതായി ആര്‍.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല്‍ നിര്‍ബന്ധിതമാവുകയും ചെയ്തു.

പ്രസ്തുത ബാങ്ക്:

1. അതിന്‍റെ, ഇന്‍റര്‍നെറ്റിലൂടെ ലഭ്യമാകുന്ന മൊബൈല്‍ ആപ്ളിക്കേഷന്‍റെ ദുര്‍ബലത വിലയിരുത്തലും (വള്‍നെറബിലിറ്റി അസ്സസ്സ്മെന്‍റ് - വി എ) നുഴഞ്ഞുകയറ്റ പരിശോധനയും (പെനിട്രേഷന്‍ ടെസ്റ്റിങ് – പി റ്റി) നിര്‍ദ്ദിഷ്ട സമയക്രമങ്ങളില്‍ നടപ്പാക്കുന്നതില്‍ വീഴ്ച വരുത്തി; കൂടാതെ
2. ഫലശൂന്യമായതും, എന്നാല്‍ നിര്‍ദ്ദിഷ്ട സമയപരിധിക്കുള്ളില്‍ സ്വയമേയുള്ള വിപരീത തിരുത്തല്‍ (റിവേര്‍സല്‍) വുരുത്തിയിട്ടില്ലാത്തതുമായ, ചില നിശ്ചിത ഐ.എം.പി.എസ് (IMPS) , യൂ.പി.ഐ (UPI) ഇടപാടുകള്‍ക്ക് , നഷ്ടപരിഹാരം നല്‍കുന്നതില്‍ വീഴ്ച വരുത്തി.

ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്‍റെയോ കരാറിന്‍റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല്‍ ബാങ്കിനെതിരെ ആര്‍.ബി.ഐ മേലില്‍ ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല്‍ യാതൊരു മുന്‍വിധിയും ഉളവാക്കുന്നതല്ല.

(പുനീത് പഞ്ചോളി) 
ചീഫ് ജനറൽ മാനേജർ

പത്രക്കുറിപ്പ്: 2025-2026/732