‘നിങ്ങളുടെ ഉപഭോക്താവിനെ അറിയുക (കെ വൈ സി), ഉപഭോക്‍ത്രു സംരക്ഷണം – സഹകരണ ബാങ്കുകളുടെ ഉപഭോക്താക്കളുടെ അനധികൃത ഇലക്ട്രോണിക് ബാങ്കിങ് ഇടപാടുകളിലെ ബാധ്യതാ പരിധി (ലിമിറ്റിങ് ലയബിലിറ്റി), പ്രാഥമിക (അര്‍ബന്‍) സഹകരണ ബാങ്കുകള്‍ക്ക് (യൂ സി ബികള്‍) വേണ്ടുന്ന അടിസ്ഥാന സൈബര്‍ സുരക്ഷാ ചട്ടക്കൂട്, കൂടാതെ – പ്രാഥമിക അര്‍ബന്‍ സഹകരണ ബാങ്കുകള്‍ക്ക് (യൂ സി ബികള്‍) വേണ്ടുന്ന സമഗ്രമായ സൈബര്‍ സുരക്ഷാ ചട്ടക്കൂട് - ഒരു നിലവരാധിഷ്ഠിത സമീപനം (എ ഗ്രെയ്ഡെഡ് അപ്പ്രോച്ച്)’ എന്നീ വിഷയങ്ങള്‍ സംബന്ധിച്ച് ആര്‍ ബി ഐ പുറപ്പെടുവിച്ചിട്ടുള്ള നിശ്ചിത നിര്‍ദ്ദേശങ്ങള്‍ പാലിക്കാത്തതിന്, 2025 ജൂണ്‍ 30 ലെ ഉത്തരവു പ്രകാരം ഗുജറാത്ത് വഡോദരയിലെ ‘ശ്രീ ഛാനി നാഗരിക് സഹകാരി ബാങ്ക് ലിമിറ്റഡിനു’ (പ്രസ്തുത ബാങ്ക്) മേൽ ഭാരതീയ റിസർവ് ബാങ്ക് (ആർ.ബി.ഐ), 4,00,000/- രൂപ (നാലു ലക്ഷം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56 എന്നീ വകുപ്പുകളും കൂട്ടിവായിച്ച പ്രകാരം ആർ.ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.

ബാങ്കിന്‍റെ മേലുള്ള നിയമപ്രകാരമുള്ള പരിശോധന, അതിന്‍റെ 31 മാര്‍ച്ച് 2024 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി ആര്‍.ബി.ഐ നടത്തുകയുണ്ടായി. ആര്‍.ബി.ഐ യുടെ മാര്‍ഗ്ഗരേഖകള്‍ പാലിക്കാത്തതായുള്ള പരിശോധനാ കണ്ടെത്തലുകളുടെയും ഇതു സംബന്ധിച്ച അനുബന്ധ കത്തിടപാടുകളുടെയും അടിസ്ഥാനത്തില്‍ മേല്‍പറഞ്ഞ നിര്‍ദ്ദേശങ്ങള്‍ പാലിക്കാത്തത്തില്‍ ഉണ്ടായ വീഴ്ചയുടെ പേരില്‍ പിഴ ചുമത്താതിരിക്കുന്നതിനുള്ള കാരണം കാണിക്കാന്‍ നിര്‍ദ്ദേശിച്ച് പ്രസ്തുത ബാങ്കിന് നോട്ടീസ് നല്‍കുകയുണ്ടായി. നോട്ടീസിനുള്ള പ്രസ്തുത ബാങ്കിന്‍റെ മറുപടി പരിഗണിച്ചതിന്‍ പ്രകാരം, മറ്റു പലതിന്‍റെയും കൂട്ടത്തില്‍, താഴെപ്പറയുന്ന കുറ്റം ചാര്‍ത്തലുകള്‍ (ചാര്‍ജ്) നിലനില്‍ക്കുന്നതായി ആര്‍.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല്‍ നിര്‍ബന്ധിതമാവുകയും ചെയ്തു.

പ്രസ്തുത ബാങ്ക്:

1. കുറഞ്ഞത് ആറ് മാസത്തിനകമെങ്കിലും നടപ്പാക്കേണ്ടുന്ന, ചില അക്കൌണ്ടുകളുടെ അപകടസാധ്യതാ വര്‍ഗ്ഗീകരണത്തിന്‍റെ കാലാനുസൃതമായ അവലോകനം , നടപ്പാക്കുന്നതില്‍ വീഴ്ച വരുത്തി;
2. ഉപഭോക്താക്കള്‍ക്ക്, അനധികൃത ഇലക്ട്രോണിക് ബാങ്കിങ് ഇടപാടുകള്‍, ഒന്നിലധികം ചാനലുകളിലൂടെ റിപ്പോര്‍ട് ചെയ്യുന്നതിന് 24X7 അടിസ്ഥാനത്തിലുള്ള ഉപയോഗാനുമതി നല്‍കുന്നതില്‍ വീഴ്ച വരുത്തി; കൂടാതെ
3. (iii) സൈബര്‍ സുരക്ഷാ ചട്ടക്കൂടിന് കീഴില്‍ ആര്‍ ബി ഐ നിര്‍ദ്ദേശിച്ചിട്ടുള്ള നിര്‍ദ്ദിഷ്ട സൈബര്‍ സുരക്ഷാ നിയന്ത്രണങ്ങള്‍ പ്രയോഗത്തില്‍ വരുത്തുന്നതില്‍ വീഴ്ച വരുത്തി.

ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്‍റെയോ കരാറിന്‍റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല്‍ ബാങ്കിനെതിരെ ആര്‍.ബി.ഐ മേലില്‍ ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല്‍ യാതൊരു മുന്‍വിധിയും ഉളവാക്കുന്നതല്ല.

   (പുനീത് പഞ്ചോളി) 
ചീഫ് ജനറൽ മാനേജർ

പത്രക്കുറിപ്പ്: 2025-2026/646