“വെളിപ്പെടുത്തല്‍ മാനദണ്ഡങ്ങളും നിയമാനുസൃതവും/മറ്റുള്ളതും ആയ നിയന്ത്രണങ്ങളും – യുസിബി കൾ (UCBs)”, “ഒറ്റയ്ക്കും/കൂട്ടായും ഉള്ള വായ്പാ സ്വീകര്‍ത്താക്കള്‍ക്കുള്ള (സിംഗിള്‍/ഗ്രൂപ്പ് ബൊറോവര്‍) വെളിപ്പെടുത്തല്‍ മാനദണ്ഡങ്ങളും വിപുലമായ വെളിപ്പെടുത്തലുകളും - യുസിബി കൾ (UCBs)” , “നിങ്ങളുടെ ഉപഭോക്താവിനെ തിരിച്ചറിയല്‍ (കെ വൈ സി) മാനദണ്ഡങ്ങള്‍ “ എന്നീ വിഷയങ്ങളെ സംബന്ധിച്ച് ഭാരതീയ റിസര്‍വ് ബാങ്ക് പുറപ്പെടുവിച്ചിട്ടുള്ള ചില നിശ്ചിത നിര്‍ദ്ദേശങ്ങള്‍ പാലിക്കാത്തതിന്, 2024 ജൂലൈ 24 ലെ ഉത്തരവു പ്രകാരം, മഹാരാഷ്ട്ര മുംബൈയിലെ  ദി ഹിന്ദുസ്ഥാന്‍  കോ ഓപ്പറേറ്റിവ് ബാങ്ക് ലിമിറ്റഡിനു  (പ്രസ്തുത ബാങ്ക്)  മേൽ  ഭാരതീയ റിസർവ് ബാങ്ക് (ആർ.ബി. ഐ), 4.00 ലക്ഷം രൂപ (നാലു ലക്ഷം  രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) എന്ന വകുപ്പിനൊപ്പം 46(4)(i), 56  എന്നീ വകുപ്പുകളും കൂട്ടിവായിച്ച പ്രകാരം ആർ. ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.

പ്രസ്തുത ബാങ്കിന്‍റെ മേലുള്ള നിയമപ്രകാരമുള്ള പരിശോധന, അതിന്‍റെ 31  മാര്‍ച്ച് 2023 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, ആര്‍.ബി.ഐ നടത്തുകയുണ്ടായി. ആര്‍.ബി.ഐ യുടെ മാര്‍ഗ്ഗരേഖകളും ഇതു സംബന്ധിച്ച അനുബന്ധ കത്തിടപാടുകളും പാലിക്കാത്തതായുള്ള പരിശോധനാ കണ്ടെത്തലുകളുടെ അടിസ്ഥാനത്തില്‍, മേല്‍പറഞ്ഞ നിര്‍ദ്ദേശങ്ങള്‍ പാലിക്കാത്തത്തില്‍ ഉണ്ടായ  വീഴ്ചയുടെ പേരില്‍ പിഴ ചുമത്താതിരിക്കുന്നതിനുള്ള കാരണം കാണിക്കാന്‍ നിര്‍ദ്ദേശിച്ച് പ്രസ്തുത ബാങ്കിന് നോട്ടിസ് നല്‍കുകയുണ്ടായി. നോട്ടിസിനുള്ള ബാങ്കിന്‍റെ മറുപടി പരിഗണിച്ചതിന്‍ പ്രകാരം  മറ്റുപലതിന്റ്റെയും കൂട്ടത്തില്‍, താഴെ പറയുന്ന കുറ്റം ചാര്‍ത്തലുകള്‍ (ചാര്‍ജ്)  നിലനില്‍ക്കുന്നതായി ആര്‍.ബി.ഐ  കണ്ടെത്തുകയും,  തന്മൂലം പണപ്പിഴ ചുമത്തല്‍ നിര്‍ബന്ധിതമാവുകയും ചെയ്തു. പ്രസ്തുത ബാങ്ക്  (1) നാമമാത്ര അംഗങ്ങള്‍ക്ക് നിര്‍ദ്ദിഷ്ട നിയന്ത്രണ പരിധി ലംഘിച്ചു കൊണ്ട് വായ്പകള്‍ അനുവദിച്ചു (2) ഒറ്റ വായ്പാ സ്വീകര്‍ത്താക്കള്‍ക്കുള്ള (സിംഗിള്‍ ബൊറോവര്‍) വെളിപ്പെടുത്തല്‍ പരിധി പാലിക്കുന്നതില്‍ വീഴ്ച വരുത്തി (3) അതിന്‍റെ ഉപഭോക്താക്കള്‍ക്ക് നിരവധി യുണീക് കസ്റ്റമര്‍ ഐഡന്റ്റിഫിക്കേഷന്‍ കോഡുകള്‍ അനുവദിച്ചു.

ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത്  പ്രസ്തുത ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്‍റെയോ കരാറിന്‍റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതുമല്ല. കൂടാതെ, ഈ പണപ്പിഴ ചുമത്തല്‍ പ്രസ്തുത ബാങ്കിനെതിരെ ആര്‍.ബി.ഐ മേലില്‍ ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല്‍ യാതൊരുവിധ മുന്‍വിധിയും ഉളവാക്കുന്നതല്ല.

(പുനീത് പഞ്ചോളി)  
ചീഫ് ജനറൽ മാനേജർ

പത്രക്കുറിപ്പ് : 2024-2025/820