“ഉപഭോക്‍തൃ സംരക്ഷണം – സഹകരണ ബാങ്ക് ഉപഭോക്താക്കളുടെ, അനധികൃത ഇലക്ട്രോണിക് ബാങ്കിoഗ് പണമിടപാടുകളിലുള്ള, ബാധ്യതയുടെ പരിധി പരിമിതപ്പെടുത്തൽ” എന്നതും “പ്രൈമറി (അര്‍ബന്‍) കോ-ഓപ്പറേറ്റിവ് ബാങ്കുകള്‍ക്ക് (യൂ സി ബി കള്‍) വേണ്ടിയുള്ള അടിസ്ഥാന സൈബര്‍ സുരക്ഷാ ചട്ടക്കൂട്” എന്നതുമായ വിഷയങ്ങള്‍, "പ്രൈമറി (അര്‍ബന്‍) കോ-ഓപ്പറേറ്റിവ് ബാങ്കുകള്‍ക്ക് (യൂ സി ബി കള്‍) വേണ്ടിയുള്ള സമഗ്രമായ സൈബര്‍ സുരക്ഷാ ചട്ടക്കൂട് – ഒരു നിലവാരാധിഷ്ഠിത സമീപനം (എ ഗ്രെയ്ഡെഡ് അപ്രോച്) “ എന്ന വിഷയവുമായി കൂട്ടിവായിച്ച പ്രകാരമുള്ള, ഭാരതീയ റിസര്‍വ് ബാങ്കിന്‍റെ നിര്‍ദ്ദേശങ്ങള്‍ പാലിക്കാത്തതിന്, 2024 ഡിസംബര്‍ 26 ലെ ഉത്തരവു പ്രകാരം ഗുജറാത്ത് സൂറത്തിലെ ‘ ദി പ്രൈം കോ-ഓപ്പറേറ്റിവ് ബാങ്ക് ലിമിറ്റഡിനു’ (പ്രസ്തുത ബാങ്ക്) മേൽ ഭാരതീയ റിസര്‍വ് ബാങ്ക് (ആർ.ബി.ഐ), 4,00,000/- രൂപ (നാലു ലക്ഷം രൂപ മാത്രം) പിഴ ചുമത്തി. 1949 ലെ ബാങ്കിംഗ് റെഗുലേഷൻ ആക്ടിലെ 47എ(1)(സി) വകുപ്പിനൊപ്പം 46(4)(i), 56 എന്നീ വകുപ്പുകള്‍ കൂട്ടിവായിച്ച പ്രകാരം ആർ.ബി.ഐ.യിൽ നിക്ഷിപ്തമായിട്ടുള്ള അധികാരങ്ങൾ ഉപയോഗിച്ചാണ് ഈ പിഴ ചുമത്തിയിരിക്കുന്നത്.

പ്രസ്തുത ബാങ്കിന്‍റെ മേലുള്ള നിയമപ്രകാരമുള്ള പരിശോധന, അതിന്‍റെ 31 മാര്‍ച്ച് 2023 വരെയുള്ള സാമ്പത്തിക സ്ഥിതിയെ അടിസ്ഥാനമാക്കി, ആര്‍.ബി.ഐ നടത്തുകയുണ്ടായി. ആര്‍.ബി.ഐ യുടെ മാര്‍ഗ്ഗരേഖകളും ഇതു സംബന്ധിച്ച അനുബന്ധ കത്തിടപാടുകളും പാലിക്കാത്തതായുള്ള പരിശോധനാ കണ്ടെത്തലുകളുടെ അടിസ്ഥാനത്തില്‍, മേല്‍പറഞ്ഞ നിര്‍ദ്ദേശങ്ങള്‍ പാലിക്കാത്തത്തില്‍ ഉണ്ടായ വീഴ്ചയുടെ പേരില്‍ പിഴ ചുമത്താതിരിക്കുന്നതിനുള്ള കാരണം കാണിക്കാന്‍ നിര്‍ദ്ദേശിച്ച് പ്രസ്തുത ബാങ്കിന് നോട്ടീസ് നല്‍കുകയുണ്ടായി. നോട്ടീസിനുള്ള പ്രസ്തുത ബാങ്കിന്‍റെ മറുപടിയും വ്യക്തിപരമായ ഹിയറിങില്‍ നല്കിയ വാക്കാലുള്ള സമര്‍പ്പണങ്ങളും പരിഗണിച്ചതിന്‍ പ്രകാരം, മറ്റു പലതിന്‍റെയും കൂട്ടത്തില്‍, താഴെപ്പറയുന്ന കുറ്റം ചാര്‍ത്തലുകള്‍ (ചാര്‍ജ്) നിലനില്‍ക്കുന്നതായി ആര്‍.ബി.ഐ കണ്ടെത്തുകയും, തന്മൂലം പണപ്പിഴ ചുമത്തല്‍ നിര്‍ബന്ധിതമാവുകയും ചെയ്തു.

പ്രസ്തുത ബാങ്ക്:

1. (a) അനധികൃത ഇലക്ട്രോണിക് ബാങ്കിoഗ് ഇടപാടുകള്‍, എസ് എം എസ്, ഇ-മെയില്‍, കൂടാതെ ടോള്‍ -ഫ്രീ നമ്പര്‍ മുഖേന, റിപ്പോര്‍ട്ട് ചെയ്യുന്നതിനുള്ള സൗകര്യം ഉപഭോക്താക്കള്‍ക്ക് ഒരുക്കുന്നതില്‍ വീഴ്ച വരുത്തി, (b) 2022-23 സാമ്പത്തിക വര്‍ഷത്തില്‍ അയച്ച എസ് എം എസ്, ഇ-മെയില്‍ ജാഗ്രതാ നിര്‍ദ്ദേശങ്ങള്‍ക്ക് മറുപടി നല്‍കുന്നതിനു വേണ്ടി തല്‍ക്ഷണമുള്ള പ്രതികരണ സാധ്യത സജ്ജമാക്കുന്നതില്‍ വീഴ്ച വരുത്തി.

2. ആര്‍.ബി.ഐ നിര്‍ദ്ദേശിച്ചിട്ടുള്ള സൈബര്‍ സുരക്ഷാ ചട്ടക്കൂടിന് കീഴിലുള്ള സൈബര്‍ സുരക്ഷാ നിയന്ത്രണ നടപടികള്‍ നടപ്പാക്കുന്നതില്‍ വീഴ്ച വരുത്തി.

ഈ നടപടി, നിയമം വ്യവസ്ഥാപനം ചെയ്യുന്ന ഉത്തരവുകൾ പാലിക്കുന്നതിലെ പോരായ്മകളെ അടിസ്ഥാനമാക്കിയുള്ളതാണ് എന്നു മാത്രമല്ല, ഇത് പ്രസ്തുത ബാങ്ക് അവരുടെ ഉപഭോക്താക്കളുമായി നടത്തിയിട്ടുള്ള ഏതെങ്കിലും ഇടപാടിന്‍റെയോ കരാറിന്‍റെയോ സാധുതയെക്കുറിച്ചുള്ള വിധി പറയുവാൻ ഉദ്ദേശിച്ചുള്ളതല്ല. കൂടാതെ, ഈ പണപ്പിഴ ചുമത്തല്‍ പ്രസ്തുത ബാങ്കിനെതിരെ ആര്‍.ബി.ഐ മേലില്‍ ആരംഭിച്ചേക്കാവുന്ന മറ്റെന്തെങ്കിലും നടപടികളിന്മേല്‍ യാതൊരു മുന്‍വിധിയും ഉളവാക്കുന്നതല്ല.

(പുനീത് പഞ്ചോളി)   
ചീഫ് ജനറൽ മാനേജർ

പത്രക്കുറിപ്പ്: 2024-2025/1814