മെയ് 18, 2018

സൗത്ത് ഇന്ത്യൻ ബാങ്കിന് ഭാരതീയ റിസർവ് ബാങ്ക് പിഴ ചുമത്തിയിരിയ്ക്കുന്നു.

വരുമാനം തിരിച്ചറിയൽ/ ആസ്തി വർഗീകരണം, ഇടപാടുകാരനെ തിരിച്ചറിയൽ, ട്രഷറി നിർവഹണം എന്നീ കാര്യങ്ങളിൽ ഭാരതീയ റിസർവ്ബാങ്ക് പുറപ്പെടുവിച്ച നിർദേശങ്ങളും ഉത്തരവുകളും ലംഘിച്ചതിനാലും കംപ്ലയൻസ് നിർവഹണം/ കംപ്ലയൻസ് പ്രബുദ്ധത എന്നിവയിലെ ന്യൂനതകളും കാരണം 1934 ലെ ഭാരതീയ റിസർവ് ബാങ്ക് നിയമം 47A(1)(c), 46(4)(i) എന്നീ വകുപ്പുകളാൽ ബാങ്കിൽ നിക്ഷിപ്തമായ അധികാരം ഉപയോഗിച്ച് 2018 മെയ് 14ലെ ഉത്തരവ് പ്രകാരം സൗത്ത് ഇന്ത്യൻ ബാങ്കിന് 5 കോടി രൂപയുടെ പിഴ ചുമത്തിയിരിക്കുന്നു.

റിസർവ് ബാങ്കിന്റെ നിർദ്ദേശങ്ങൾ പാലിക്കുന്നതിൽ ബാങ്കിന്റെ ഭാഗത്തു നിന്നും ഉണ്ടായ ന്യൂനതകളാണ് ഈ നടപടിക്ക് ആധാരമെന്നും ബാങ്കും ഇടപാടുകാരും തമ്മിൽ നടന്നിട്ടുള്ള ഇടപാടുകളുടെയും ഉടമ്പടികളുടെയും സാധുതയെ ചോദ്യം ചെയ്യുന്നില്ലെന്നും വ്യക്തമാക്കുന്നു.

ജോസ് ജെ. കാട്ടൂർ
ചീഫ് ജനറൽ മാനേജർ

പത്രപ്രസ്താവന:2017-2018/3038