नोव्हेंबर 21, 2016

रु.500 व रु.1000 च्या बँक नोटांचे वैध चलन लक्षण रद्द करणे : नोव्हेंबर 10 ते नोव्हेंबर 18, 2016
दरम्यान बँकांमधील कार्यकृती

नोव्हेंबर 8, 2016 च्या मध्यरात्रीपासून रु.500 व रु.1000 मूल्यांच्या बँक नोटांचे वैध चलन लक्षण काढून टाकण्याच्या घोषणेनंतर, भारतीय रिझर्व बँकेने, रिझर्व बँक व वाणिज्य बँका, प्रादेशिक ग्रामीण बँका व नागरी सहकारी बँका ह्यांच्या काऊंटर्सवर, अशा नोटा बदलून देण्यासाठी/जमा करण्यासाठी व्यवस्था केली.

त्यानंतर बँकांकडून कळविण्यात आले की, नोव्हेंबर 10, 2016 पासून ते नोव्हेंबर 18, 2016 पर्यंत, अशी अदलाबदल/जमा केलेली रक्कम रु.5,44,571 कोटी आहे. (बदलून देणे - रु.33,006 कोटी व जमा नोटा रक्कम रु.5,11,565 कोटी) बँकांकडून असेही सांगण्यात आले की, जनतेने त्यांच्या खात्यामधून किंवा एटीएममधून ह्या काळात, रु.1,03,316 कोटी काढले आहेत.

अल्पना किलावाला
प्रधान सल्लागार

वृत्तपत्र निवेदन : 2016-2017/1265