ऑक्टोबर 11, 2017

सार्वजनिक क्षेत्रातील बँका/वित्तीय संस्थांसाठी द्वैभाषिक/हिंदी हाऊस मॅगॅझिन स्पर्धा - (2016-17) - नोंदणीसाठी आवाहन

हिंदी भाषेच्या (राजभाषा) वापर प्रोत्साहन देण्यासाठी, भारतीय रिझर्व बँक, सार्वजनिक क्षेत्रातील बँका व वित्तीय संस्थांसाठी एक द्वैभाषिक/हिंदी हाऊस मॅगॅझिन स्पर्धा आयोजित करत असते. सर्व पीएसबी/एफआयना आवाहन करण्यात येत आहे की त्यांनी, सोबत दिलेला नमुना भरुन, एप्रिल 1, 2016 ते मार्च 31, 2017 दरम्यान त्यांनी प्रसिध्द केलेल्या द्वैभाषिक/हिंदी हाऊस मॅगॅझिनच्या प्रत्येकी सहा प्रती पाठवाव्यात. ह्या हाऊस मॅगॅझिन्सचे मूल्यांकन/निर्णय, एका मूल्यमापन समितीकडून केले जाईल व भारतीय रिझर्व बँकेचा राजभाषा विभाग, विजेत्याला शील्ड/प्रमाणपत्रे देईल.

नोंदणीची शेवटची तारीख नोव्हेंबर 6, 2017 आहे.

नोंदणी पाठविण्याचा पत्ता पुढीलप्रमाणे आहे :

प्रभारी उप महाव्यवस्थापक,
भारतीय रिझर्व बँक,
राजभाषा विभाग, केंद्रीय कार्यालय,
सी-9, दुसरा मजला, बांद्रा-कुर्ला काँप्लेक्स,
बांद्रा (पूर्व), मुंबई – 400051

ह्या स्पर्धेचे निकष जोडपत्र ‘अ’ मध्ये दिले आहेत. नोंदणी करण्यासाठीचा नमुना जोडपत्र ‘ब’ मध्ये दिला आहे.

जोस जे कत्तूर
मुख्य महाव्यवस्थापक

वृत्तपत्र निवेदन : 2017-2018/999