24 नोव्हेंबर 2014

रद्द केलेल्या एनबीएफसी पंजीकरण प्रमाणपत्राच्या गैरवापराबाबत आरबीआयचा इशारा

भारतीय रिझर्व बँकेच्या नजरेस आले आहे की, रिझर्व बँकेने रद्द केलेले पंजीकरण प्रमाणपत्र बनावट/नक्कल करुन, कंपन्या, भागीदारी कंपन्या, व्यक्ती इत्यादींसह काही संस्था/लबाड लोक, आरबीआयकडे पंजीकृत झालेल्या अबँकीय वित्तीय कंपन्या (एनबीएफसी) म्हणून खोटेपणाने वावरत आहेत. असे समजते की, अशा संस्था/लबाड लोक, गरजवंत लोकांना आकर्षक व्याजदरावर कर्जे देण्याची आश्वासने देऊन, त्या कर्जांचे/अग्रिम राशींचे प्रक्रिया आकार म्हणून जनतेकडून पैसे गोळा करतात आणि ते पैसे मिळाल्यावर गायब होतात.

अशा फसवाफसवीच्या कार्यकृती/ऑफर्स कायद्याने दंडनीय आहेत. जनतेला सांगण्यात येत आहे की त्यांनी योग्य ती काळजी घ्यावी आणि अशा खोट्या कार्यकृती/ऑफर्सना बळी पडू नये आणि अशा कार्यकृती त्यांच्या नजरेस आल्यास स्थानिक पोलिसांना त्याबाबत कळवावे.

व्यवहाराची सत्यता, वित्तीय संस्था म्हणून कार्य करण्यास, सुयोग्य विनियमन प्राधिकरणाने दिलेल्या पंजीकरण प्रमाणपत्राची सत्यता व अधिकारपत्रे ह्यांची पडताळणी केल्याशिवाय, कोणत्याही व्यक्तीला/संस्थांना पैसे किंवा वित्तीय आश्वासन देऊ नका.

जाणून घ्या ! सुरक्षित रहा !

अल्पना किल्लावाला
प्रधान मुख्य महाव्यवस्थापक

वृत्तपत्रांसाठी निवेदन 2014-2015/1054