ऑक्टोबर 24, 2017

येस बँक लि. ह्यांचेवर आरबीआयकडून आर्थिक दंड लागु

ऑक्टोबर 23, 2017 रोजी भारतीय रिझर्व बँकेने (आरबीआय), येस बँक लि. ह्यांना, इनकम रेकग्निशन अॅसेट क्लासिफिकेशन (आयआरएसी) नॉर्म्स ह्यावरील आरबीआयने दिलेल्या निदेशांचे अनुपालन न करणे, आणि वरील बँकेच्या एटीएम्सबाबत, सिक्युरिटी इन्सिडेटाची माहिती उशिरा कळविणे ह्यासाठी, रु.60 दशलक्ष आर्थिक दंड लागु केला आहे. आरबीआयने दिलेल्या काही निदेशांचे अनुपालन न केल्याचे विचारात घेऊन, बँकिंग विनियामक अधिनियम 1949 च्या कलम 46(4)(1) सह वाचित कलम 47अ(1)(सी) ने दिलेल्या अधिकारांचा वापर करुन आरबीआयने हा दंड लागु केला आहे.

विनियामक बाबींचे अनुपालन न केल्यानेच ही कारवाई करण्यात आली असून, त्याचा संबंध ग्राहकांशी केलेले व्यवहार किंवा करारांच्या वैधतेशी नाही.

पार्श्वभूमी

मार्च 31, 2016 रोजीच्या वित्तीय स्थिती संबंधाने वरील बँकेच्या वैधानिक तपासणीमध्ये, इतर बाबींबरोबर, अकार्यकारी अॅसेट्स (एनपीएएस) च्या मूल्यमापनाबाबत, आरबीआयने दिलेल्या निरनिराळ्या विनियमांचे उल्लंघन झाल्याचे दिसून आले. एटीएमबाबतचा एक सायबर-सुरक्षा-प्रसंगही, विहित केलेल्या कालावधीत आला नव्हता. ह्या तपासणी अहवालावर व इतर संबंधित कागदपत्रांवर आधारित जुलै 6, 2017 रोजी व त्यानंतर ऑगस्ट 24, 2017 रोजी, आरबीआयने दिलेल्या निदेशांचे पालन न केल्या कारणाने आर्थिक दंड का लावला जाऊ नये अशी कारणे दाखवा नोटिस वरील बँकेला पाठविण्यात आली होती. ह्यावर वरील बँकेने दिलेली उत्तरे व वैय्यक्तिक सुनावणीमध्ये केलेले मौखिक सादरीकरण तसेच सादर केलेली अतिरिक्त माहिती व कागदपत्र विचारात घेऊन आरबीआयने निष्कर्ष काढला की, आरबीआयने दिलेल्या निदेशांचे अनुपालन न केल्याबाबतचे दावे खरे असून त्यासाठी आर्थिक दंड लावणे आवश्यक आहे.

जोस जे कत्तूर
मुख्य महाव्यवस्थापक

वृत्तपत्र निवेदन : 2017-2018/1116