<font face="mangal" size="3">विहित/विशिष्ट कर्ज खात्यांमध्ये कर्जदारांन - आरबीआय - Reserve Bank of India
विहित/विशिष्ट कर्ज खात्यांमध्ये कर्जदारांना चक्रवाढ व्याज व सरळ व्याज ह्यामधील फरकाचे सानुग्रह प्रदान करण्याची योजना (1-3-2020 ते 31-8-2020)
आरबीआय/2020-21/61 ऑक्टोबर 26, 2020 सर्व वाणिज्य बँका (लघु वित्त बँका, स्थानिक क्षेत्र बँका आणि प्रादेशिक ग्रामीण बँकांसह) महोदय/महोदया, विहित/विशिष्ट कर्ज खात्यांमध्ये कर्जदारांना चक्रवाढ व्याज व सरळ व्याज ह्यामधील फरकाचे सानुग्रह प्रदान करण्याची योजना (1-3-2020 ते 31-8-2020) भारत सरकारने, ऑक्टोबर 23, 2020 रोजी, विहित/विशिष्ट कर्ज खात्यांमध्ये, कर्जदारांना, चक्रवाढ व्याज व सरळ व्याज ह्यामधील फरकांचे सानुग्रह प्रदान करण्याची योजना (1-3-2020 ते 31-8-2020) (ही योजना) घोषित केली आहे. त्यानुसार, संबंधित कर्जदायी संस्थांकडून कर्जदारांच्या काही विशिष्ट वर्गांना, मार्च 1, 2020 ते ऑगस्ट 31, 2020 च्या दरम्यान चक्रवाढ व्याज व सरळ व्याज ह्यामधील फरकाचे सानुग्रह प्रदान त्यांच्या खात्यात जमा करणे आवश्यक आहे. ह्या योजनेचा तपशील येथे उपलब्ध आहे : https://financialservices.gov.in/sites/default/files/Scheme%20Letter.pdf. (2) सर्व कर्जदायी संस्थांना सांगण्यात येते की त्यांनी ह्या योजनेच्या तरतुदींचे मार्गदर्शन घेऊन विहित केलेल्या कालावधीत आवश्यक ती कारवाई करावी. आपला विश्वासु, (प्रकाश बलियारसिंग) |