RBI/2016-17/147
DCM (Plg) No.1341/10.27.00/2016-17

November 22, 2016

ଅଧ୍ୟକ୍ଷ/ ପରିଚ଼ଳନା ନିର୍ଦ୍ଦେଶକ/ ମୁଖ୍ୟ ନିର୍ବାହୀ ଅଧିକାରୀ
ସରକାରୀ କ୍ଷେତ୍ର ବ୍ୟାଙ୍କ/ ବେସରକାରୀ କ୍ଷେତ୍ର ବ୍ୟାଙ୍କ / ବିଦେଶୀ ବ୍ୟାଙ୍କ
ଆଂଚଲିକ ଗ୍ରାମ୍ୟ ବ୍ୟାଙ୍କ /ସହରୀ ସମବାୟ ବ୍ୟାଙ୍କ / ରାଜ୍ୟ ସମବାୟ ବ୍ୟାଙ୍କ/ ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ

ମହାଶୟ

ପ୍ରଚ଼ଳିତ ବିଶିଷ୍ଚ ବ୍ୟାଙ୍କ ନୋଟ୍ (ଏସ୍.ବି.ଏନ୍.) 500 ଓ 1000 ଟଙ୍କାର ବୈଧ ମୁଦ୍ରା ସ୍ୱରୂପ ପ୍ରତ୍ୟାହାର- ପ୍ରବଂଚ଼ନାତ୍ମକ ପ୍ରଥା

କେତେକ ଦୁ୍ର୍ବୃତ୍ତଙ୍କ ସହ ଅଳ୍ପ କେତେକ ବ୍ୟାଙ୍କ ଶାଖାର ଅଧିକାରୀ ମିଶି କେତେକ ସ୍ଥାନରେ ବିଶିଷ୍ଚ ବ୍ୟାଙ୍କ ନୋଟ୍ (ଏସ୍.ବି.ଏନ୍.)କୁ ଅସାଧୂ ଉପାୟରେ ଖାତାମାନଙ୍କରେ ଜମା ଓ ବିନିମୟ କରିବାରେ ଲିପ୍ତ ଥିବା ଆମ ଦୃଷ୍ଟିଗୋଚ଼ର ହୋଇଛି।

2. ଏଥିଯୋଗୁଁ ବ୍ୟାଙ୍କମାନଙ୍କୁ ସୂଚ଼ିତ କରି ଦିଆଯାଉଛି ଯେ, ପରିବର୍ଦ୍ଧିତ ସତର୍କତା ମାଧ୍ୟମରେ ଯଥାଶୀଘ୍ର ଏ ପ୍ରବଂଚ଼ନାତ୍ମକ ପ୍ରଥା ବନ୍ଦ ହେବା ସୁନିଶ୍ଚିତ କରନ୍ତୁ ଏବଂ ଏପ୍ରକାର କାର୍ଯ୍ୟରେ ଲିପ୍ତ ଅଧିକାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ।

3. ବ୍ୟାଙ୍କମାନେ ସେମାନଙ୍କର ଗ୍ରାହକଙ୍କର ଖାତାରେ ବିଶିଷ୍ଚ ବ୍ୟାଙ୍କ ନୋଟ୍ ( ଏସ୍.ବି.ଏନ୍.) ସମ୍ବନ୍ଧୀୟ ବନିମୟ ଓ ଜମା ବିଷୟରେ ଜାରୀ ହୋଇଥିବା ଅନୁଦେଶମାନଙ୍କର ଦୃଢ଼ ଅନୁପାଳନ ସୁନିଶ୍ଚିତ କରିବା ଆବଶ୍ୟକ . ଏହି ପରିପ୍ରେକ୍ଷୀରେ ବ୍ୟାଙ୍କ ଶାଖାମାନେ ନିମ୍ନୋକ୍ତ ବିଷୟରେ ସଠିକ୍ ରେକର୍ଡ ରଖିବା ଆବଶ୍ୟକ ।

i. ନଭେମ୍ବର 10, 2016 ଠାରୁ ପ୍ରତ୍ୟେକ ଜମା ବା ଋଣ ଗ୍ରାହକ ଖାତାରେ ଜମାହୋଇଥିବା ବିନିର୍ଦ୍ଦିଷ୍ଚ ବ୍ୟାଙ୍କ ନୋଟର ମୂଲ୍ୟ-ଭିତ୍ତିକ ସବିଶେଷ ବିବରଣୀ ଓ ଅଣ- ବିଶିଷ୍ଚ ବ୍ୟାଙ୍କ ନୋଟର ସର୍ବମୋଟ ମୂଲ୍ୟ ।

ii. ନିୟମିତ ଓ ଅନିୟମିତ ଗ୍ରାହକମାନଙ୍କ ଦ୍ୱାରା ବିନିମୟ ହେଉଥିବା ବିଶିଷ୍ଚ ବ୍ୟାଙ୍କ ନୋଟ୍ ( ଏସ୍.ବି.ଏନ୍.) ବିନିମୟ ସମ୍ବନ୍ଧୀୟ ଗ୍ରାହକ-ଭିତ୍ତିକ ଓ ମୂଲ୍ୟ-ଭିତ୍ତିକ ରେକର୍ଡ ।

ବ୍ୟାଙ୍କମାନେ ମଧ୍ୟ ସ୍ୱଳ୍ପାବଧିର ନୋଟିସ ମଧ୍ୟରେ ଏହିସବୁର ସବିଶେଷ ବିବରଣୀ ଦେବାକୁ ପ୍ରସ୍ତୁତ ରହିବା ଆବଶ୍ୟକ ।

4. ଦୟାକରି ପ୍ରାପ୍ତି ସ୍ୱୀକାର କରନ୍ତୁ ।

ଆପଣଙ୍କର ବିଶ୍ୱସ୍ତ

( ପି. ବିଜୟ କୁମାର )
ମୁଖ୍ୟ ମହାପ୍ରବନ୍ଧକ