ନଭେମ୍ବର 20, 2016

ଜନସାଧାରଣ 10 ଟଙ୍କିଆ ମୁଦ୍ରାକୁ ବିଧି ସମ୍ମତ ମୁଦ୍ରା ରୂପେ ଗ୍ରହଣ ଜାରୀ ରଖି ପାରିବେ – ଭାରତୀୟ ରିଜର୍ଭ ବ୍ୟାଙ୍କ

ଭାରତ ସରକାରଙ୍କ ଦ୍ୱାରା ତିଆରି କରାଯାଉଥିବା ମୁଦ୍ରାକୁ ଭାରତୀୟ ରିଜର୍ଭ ବ୍ୟାଙ୍କ ସଂଚ଼ାଳନ କରାଇ ଥାଏ । ଏହି ମୁଦ୍ରାଗୁଡ଼ିକର ପ୍ରଭେଦସୂଚ଼କ ବୈଶିଷ୍ଟ୍ୟ ଥାଏ । ଜନସାଧାରଣଙ୍କର କାରବାର ଆବଶ୍ୟକତାକୁ ପୂରଣ କରିବା ପାଇଁ, ନୂତନ ମୁଲ୍ୟବର୍ଗର ମୁଦ୍ରା ଓ ବିଭିନ୍ନ ବିଷୟବସ୍ତୁ – ଅର୍ଥନୈତିକ, ସାମାଜିକ, ସାଂସ୍କୃତିକ ତଥ୍ୟକୁ ସୂଚ଼ାଉ ଥିବା ନୂଆ ଡ଼ିଜାଇନର ମୁଦ୍ରାଗୁଡ଼ିକୁ ବିଭିନ୍ନ ସମୟରେ ପ୍ରଚ଼ଳନ କରା ଯାଇଥାଏ । ମୁଦ୍ରାଗୁଡ଼ିକ ସଂଚ଼ାଳନରେ ଦୀର୍ଘ ଅବଧି ପର୍ଯ୍ୟନ୍ତ ରହିଥିବା ବେଳେ ଏହା ମଧ୍ୟ ସମ୍ଭବ ଯେ, ସେହି ସମୟରେ ବିଭିନ୍ନ ଡ଼ିଜାଇନ ଓ ଆକାରର ମୁଦ୍ରା ମଧ୍ୟ ସଂଚ଼ାଳନରେ ଥାନ୍ତି। ଜୁଲାଈ 2011 ରେ ‘ ରୁପି ସଙ୍କେତ ‘ ର ପ୍ରଚ଼ଳନ, ଏହିପରି ଏକ ପରିବର୍ତ୍ତନ । ରୁପି ସଙ୍କେତ ଥିବା ଦଶ ଟଙ୍କିଆ ମୁଦ୍ରା ଓ ରୁପି ସଙ୍କେତ ନ ଥିବା ଦଶ ଟଙ୍କିଆ ମୁଦ୍ରା ଏହାର ଏକ ଉଦାହରଣ । ସେ ଉଭୟ ବିଧି ସମ୍ମତ ଏବଂ କାରବାର ନିମିତ୍ତ ସମାନ ଭାବରେ ଉପଯୁକ୍ତ, ଯଦିବା ଦୁଇଟିଯାକ ଦେଖିବା ପାଇଁ ସାମାନ୍ୟ ଭିନ୍ନ ।

ଖବର ମିଳୁଛି ଯେ, କେତେକ ଅଳ୍ପ ଜାଣିଥିବା କିମ୍ବା ଆଦୌ ନ ଜାଣିଥିବା ଲୋକ ଯେଉଁମାନେ ଏପରି ମୁଦ୍ରାଗୁଡ଼ିକର ଯଥାର୍ଥତା ବିଷୟରେ ସଂଦିହାନ, ସେମାନେ ବ୍ୟବସାୟୀ, ଦୋକାନୀ ପ୍ରଭୃତିଙ୍କ ସମେତ ସାଧାରଣ ଲୋକଙ୍କ ମନରେ ସନ୍ଦେହ ସୃଷ୍ଟି କରାଉଛନ୍ତି ଯାହାଦ୍ୱାରା ଦେଶର କେତେକ ସ୍ଥାନରେ ଏହି ମୁଦ୍ରାଗୁଡ଼ିକର ପ୍ରଚ଼ଳନ ବାଧାପ୍ରାପ୍ତ ହେଉଛି ଫଳରେ, ଅହେତୁକ ସନ୍ଦେହ ସୃଷ୍ଟି ହେଉଛି ।

ଏପରି ଭୁଲ ସୂଚ଼ନା ଆଧାରିତ ଧାରଣା ପ୍ରତି ଗୁରୁତ୍ୱ ନ ଦେବା ପାଇଁ ତଥା କୌଣସି ଦ୍ୱିଧା ନ ରଖି ସବୁ ପ୍ରକାର କାରବାରରେ ଏହି ମୁଦ୍ରାଗୁଡ଼ିକୁ ବିଧି ସମ୍ମତ ମୁଦ୍ରା ଭାବେ ଗ୍ରହଣ କରିବା ପ୍ରକ୍ରିୟାକୁ ବଜାୟ ରଖିବା ପାଇଁ ରିଜର୍ଭ ବ୍ୟାଙ୍କ ଜନସାଧାରଣଙ୍କୁ ଅନୁରୋଧ କରୁଛି ।ଏହି ମୁଦ୍ରା ସମ୍ବନ୍ଧରେ ଅଧିକ ସୂଚ଼ନା ନିମିତ୍ତ ଦୟାକରି ନିମ୍ନ ଲିଙ୍କଗୁଡ଼ିକୁ ଦେଖନ୍ତୁ :

/en/web/rbi/press-releases

ଅଳ୍ପନା କିଲାୱାଲା
ପ୍ରଧାନ ଉପଦେଷ୍ଠା

ପ୍ରେସ୍ ପ୍ରକାଶନ : 2016-2017/1257