ଭାରତୀୟ ରିଜର୍ଭ ବ୍ୟାଙ୍କ (RBI) ୧୩ ନଭେମ୍ବର ୨୦୨୫ ତାରିଖର ଏକ ଆଦେଶ ଦ୍ୱାରା, ଆରବିଆଇ ଜାରି କରିଥିବା ' ମାଷ୍ଟର ଡିରେକ୍ସନ୍ - ଭାରତୀୟ ରିଜର୍ଭ ବ୍ୟାଙ୍କ (ଅଣ-ବ୍ୟାଙ୍କିଂ ଆର୍ଥିକ କମ୍ପାନୀ - ସ୍କେଲ୍ ବେସଡ୍ ରେଗୁଲେସନ୍) ନିର୍ଦ୍ଦେଶ, ୨୦୨୩' ର କିଛି ନିୟମ ପାଳନ ନକରିବା ହେତୁ, ଗ୍ଲୋମୋର୍ ଫାଇନାନ୍ସ ପ୍ରାଇଭେଟ୍ ଲିମିଟେଡ୍, ଓଡିଶା (କମ୍ପାନୀ) ଉପରେ ₹୪.୦୦ ଲକ୍ଷ (ଚାରି ଲକ୍ଷ ଟଙ୍କା ମାତ୍ର ) ଆର୍ଥିକ ଜରିମାନା ଲାଗୁ କରିଛି । ଭାରତୀୟ ରିଜର୍ଭ ବ୍ୟାଙ୍କ ଆଇନ, 1934 ର ଧାରା 58B ର ଉପ-ଧାରା (5) ର ଧାରା (aa) ସହିତ ପଠିତ ଧାରା 58G ର ଉପ-ଧାରା (1) ର ଧାରା (b) ଅନୁଯାୟୀ ପ୍ରାପ୍ତ ହୋଇଥିବା କ୍ଷମତାକୁ ବ୍ୟବହାର କରି ଏହି ଜରିମାନା ଲାଗୁ କରାଯାଇଛି।

କମ୍ପାନୀରେ ଜଣେ ନିର୍ଦ୍ଦେଶକଙ୍କ ନିଯୁକ୍ତି ସମ୍ପର୍କରେ ଆରବିଆଇ ଏବଂ କମ୍ପାନୀ ମଧ୍ୟରେ ହୋଇଥିବା ଚିଠିପତ୍ରରୁ ନିର୍ଦ୍ଦେଶାବଳୀ ପାଳନ ନକରାଯାଇଥିବା ଜଣାପଡ଼ିଥିଲା। ଏହି ଆଧାରରେ, କମ୍ପାନୀକୁ ଏକ ନୋଟିସ ଜାରି କରାଯାଇଥିଲା ଯେଉଁଥିରେ ଉକ୍ତ ନିର୍ଦ୍ଦେଶାବଳୀ ପାଳନ କରିବାରେ ବିଫଳତା ପାଇଁ କାହିଁକି ତାଙ୍କ ଉପରେ ଜରିମାନା ଲଗାଯିବ ନାହିଁ ସେ ବିଷୟରେ କାରଣ ଦର୍ଶାଇବାକୁ ପରାମର୍ଶ ଦିଆଯାଇଥିଲା। ନୋଟିସ ଉପରେ କମ୍ପାନୀର ଉତ୍ତର, ବ୍ୟକ୍ତିଗତ ଶୁଣାଣି ସମୟରେ ଦିଆଯାଇଥିବା ମୌଖିକ ଉପସ୍ଥାପନ ଏବଂ ଏହା ଦ୍ୱାରା ଉପରେ ଦିଆଯାଇଥିବା ଅତିରିକ୍ତ ଉପସ୍ଥାପନାକୁ ବିଚାର କରିବା ପରେ, ଆରବିଆଇ ଏହି ସିଦ୍ଧାନ୍ତରେ ଉପନୀତ ହେଲା ଯେ କମ୍ପାନୀ ବିରୁଦ୍ଧରେ ନିମ୍ନଲିଖିତ ଅଭିଯୋଗ ବଜାୟ ରହିଲା, ଯାହାଦ୍ଵାରା ଆର୍ଥିକ ଜରିମାନା ଲାଗୁ କରିବା ଆବଶ୍ୟକ।

ପରିଚାଳନା ସମିତିରେ ପରିବର୍ତ୍ତନ ଆଣିବା ପାଇଁ କମ୍ପାନୀ, ଆରବିଆଇର ପୂର୍ବ ଲିଖିତ ଅନୁମତି ହାସଲ କରି ନ ଥିଲା, ଯାହା ଫଳରେ ସ୍ୱାଧୀନ ନିର୍ଦ୍ଦେଶକମାନଙ୍କୁ ବାଦ ଦେଇ ଏହାର 30 ପ୍ରତିଶତରୁ ଅଧିକ ନିର୍ଦ୍ଦେଶକ ପରିବର୍ତ୍ତନ ହୋଇଥିଲେ।

ଏହି କାର୍ଯ୍ୟାନୁଷ୍ଠାନ ନିୟାମକ ଅନୁପାଳନରେ ତ୍ରୁଟି ଉପରେ ଆଧାରିତ ଏବଂ କମ୍ପାନୀ ଦ୍ୱାରା କରାଯାଇଥିବା କୌଣସି କାରବାର କିମ୍ବା ଚୁକ୍ତିନାମାର ବୈଧତା ଉପରେ ଘୋଷଣା କରିବା ପାଇଁ ଉଦ୍ଦିଷ୍ଟ ନୁହେଁ। ଏହା ବ୍ୟତୀତ, ଏହି ଆର୍ଥିକ ଦଣ୍ଡ ଲାଗୁ କରିବା, କମ୍ପାନୀ ବିରୁଦ୍ଧରେ ଆରବିଆଇ ଦ୍ୱାରା ଆରମ୍ଭ ହେବାକୁ ଥିବା ଅନ୍ୟ କୌଣସି କାର୍ଯ୍ୟାନୁଷ୍ଠାନ ପ୍ରତି କୌଣସି ପ୍ରଭାବ ପକାଇବ ନାହିଁ।

(ବ୍ରିଜ ରାଜ)          
ମୁଖ୍ୟ ମହାପ୍ରବନ୍ଧକ

ପ୍ରେସ୍ ବିଜ୍ଞପ୍ତି: 2025-2026/1539