இந்திய ரிசர்வ் வங்கியின், “மேற்பார்வை செயல் கட்டமைப்பு” விதிமுறைகளின் கீழ் வழங்கப்பட்ட சில உத்தரவுகளை கடைபிடிக்காததற்காக இந்திய ரிசர்வ் வங்கி (ஆர்பிஐ), செப்டம்பர் 25, 2025 தேதியிட்ட உத்தரவு மூலம், காமராஜ் கூட்டுறவு நகர வங்கி (வங்கி) மீது ₹1 லட்சம் (ரூபாய் ஒரு லட்சம் மட்டும்) அபராதம் விதித்துள்ளது. இந்த அபராதமானது, இந்திய ரிசர்வ் வங்கி, 1949 ஆம் ஆண்டு வங்கி ஒழுங்குமுறைச் சட்டத்தின் பிரிவு 47 A (1) (c) உடன் இணைந்த பிரிவு 46 (4) (i) மற்றும் பிரிவு 56 இன் கீழ் தனக்கு வழங்கப்பட்ட அதிகாரங்களைப் பயன்படுத்தி விதித்துள்ளது.

மார்ச் 31, 2024 தேதியில் வங்கியின் நிதி நிலை அடிப்படையில் இந்திய ரிசர்வ் வங்கி சட்டப்பூர்வ ஆய்வு நடத்தியது. மேற்பார்வைக் கண்டுபிடிப்புகள் அறிக்கையை ஆய்வு செய்ததில், மேலே மேற்கோள் காட்டப்பட்ட இந்திய ரிசர்வ் வங்கியின் அறிவுறுத்தல்கள் மற்றும் அது தொடர்பான கடிதங்களின் அடிப்படையில், இந்திய ரிசர்வ் வங்கியின் வழிகாட்டுதல்களைப் பின்பற்றாததற்காக வங்கி மீது ஏன் அபராதம் விதிக்கப்படக்கூடாது என்பதற்கான காரணத்தைக் கூற அறிவுறுத்தி அறிக்கை அனுப்பப்பட்டது. இந்திய ரிசர்வ் வங்கியின் அறிக்கைக்கு வங்கியின் பதில் மற்றும் தனிப்பட்ட விசாரணையின் போது பெறப்பட்ட வாய்வழி சமர்ப்பிப்புகள் ஆகியவற்றை பரிசீலனை செய்த போது, வங்கி, இந்திய ரிசர்வ் வங்கியின் பின்வரும் உத்தரவுகளுக்கு கட்டுப்படாதது நிரூபிக்கப்பட்டதால், பண அபராதம் விதிக்கப்படவேண்டும் என்ற முடிவுக்கு இந்திய ரிசர்வ் வங்கி வந்தது:

வங்கி, SAF இன் கீழ் வழங்கப்பட்ட வழிகாட்டுதல்களை பின்பற்றாமல்,

1. புதிய கடன்கள் மற்றும் முன்பணங்களுக்கு, தனிநபர் கடன் பெறுவதற்கான வரம்பு, பொருந்தக்கூடிய ஒழுங்குமுறை எல்லையைவிட அதிகமாக வழங்கியது
2. கால வைப்புகள் / தேசிய சேமிப்புச் சான்றிதழ்கள் (NSC) / கிசான் விகாஸ் பத்ராக்கள் (KVP) / காப்பீட்டுக் கொள்கைகள் போன்ற உறுதிப்பத்திரங்கள் இல்லாமல் புதிய கடன்கள் மற்றும் முன்பணங்கள் வழங்கியது;
3. நிதி நிலை அறிக்கையின் அளவை விரிவாக்கியது; மற்றும்
4. வைப்புத் தொகையின் அளவை விரிவாக்கியது  

(புனீத் பஞ்சோலி)     
தலைமை பொது மேலாளர்

பத்திரிகை வெளியீடு: 2025-2026/1190