কাৰ্যতঃ মুদ্ৰা (ভিচি)ত লেনদেন সম্পৰ্কীয় নিষে - আৰবিআই - Reserve Bank of India
কাৰ্যতঃ মুদ্ৰা (ভিচি)ত লেনদেন সম্পৰ্কীয় নিষেধাজ্ঞা
আৰবিআই/২০১৭-১৮/১৫৪ ৬ এপ্ৰিল, ২০১৮ সকলো বাণিজ্যিক বেংক আৰু সমবায় বেংক/প্ৰদান বেংক/ মহাশয়/মহাশয়া, কাৰ্যতঃ মুদ্ৰা (ভিচি)ত লেনদেন সম্পৰ্কীয় নিষেধাজ্ঞা ৰিজাৰ্ভ বেংকে, ২৪ ডিচেম্বৰ, ২০১৩, ১ ফেব্ৰুৱাৰী, ২০১৭ আৰু ৫ ডিচেম্বৰ, ২০১৭ তাৰিখৰ ৰাজহুৱা জাননীবোৰৰ জৰিয়তে বিটকইনকে ধৰি কাৰ্যতঃ মুদ্ৰাবোৰৰ ব্যৱহাৰকাৰী, ধাৰক আৰু ক্ৰয়-বিক্ৰয়কাৰীসকলক এনে কাৰ্যতঃ মুদ্ৰাৰ লেনদেনৰ সৈতে সংপৃক্ত বিভিন্ন বিপদশংকাৰ সন্দৰ্ভত বাৰম্বাৰ সকিয়াই আহিছে। ২. সংপৃক্ত বিপদশংকাবোৰৰ পৰিপ্ৰেক্ষিতত, ৰিজাৰ্ভ বেংকৰ দ্বাৰা নিয়ামিত সত্ত্বাবোৰে ভিচিত লেনদেন নকৰিবলৈ বা ভিচিৰ লেনদেন অথবা বন্দোৱস্তিত জড়িত কোনো ব্যক্তি বা সত্ত্বাক সুবিধা প্ৰদানকাৰী সেৱা আগ নবঢ়াবলৈ তত্কালে কাৰ্যকৰী হোৱাকৈ সিদ্ধান্ত লোৱা হৈছে। এই সেৱাবোৰৰ ভিতৰত আছে – কাৰ্যতঃ টকেনৰ বিপৰীতে একাউণ্ট পৰিচালন, নিবন্ধন, বন্দোবস্তি, নিষ্পত্তি, ঋণদান, সেইবিলাকক অতিৰিক্ত বন্ধকী হিচাপে গ্ৰহণ কৰা, সেইবোৰৰ লেনদেনকাৰী বিনিময় একাউণ্ট খোলা আৰু ভিচিৰ ক্ৰয়/বিক্ৰয় সম্পৰ্কিত একাউণ্টত টকা হস্তান্তৰ/প্ৰাপন কৰা। ৩. এনে সেৱাবোৰ ইতিমধ্যে আগবঢ়োৱা নিয়ামিত সত্ত্বাবোৰে এই চাৰ্কুলাৰৰ তাৰিখৰ তিনি মাহৰ ভিতৰত সম্পৰ্ক ত্যাগ কৰিব। ৪. এই নিৰ্দেশনাবোৰ বেংকিং বিনিয়ম আইন, ১৯৪৯ৰ ধাৰা ৩৬(১)(ক) সহ পঠিত ধাৰা ৩৫ক, বেংকিং বিনিয়ম আইন, ১৯৪৯ৰ ধাৰা ৩৬(১)(ক) আৰু ধাৰা ৫৬ৰ সৈতে পঠিত ধাৰা ৩৫ক, ভাৰতীয় ৰিজাৰ্ভ বেংক আইন, ১৯৩৪ৰ ধাৰা ৪৫-ঞ-ক ধাৰা ৪৫-ঠ আৰু প্ৰদান তথা বন্দোবস্তি প্ৰণালী আইন, ২০০৭ৰ ধাৰা ১৮ সহ পঠিত ধাৰা ১০(২)ৰ অন্তৰ্গত প্ৰদান ক্ষমতা প্ৰয়োগেৰে এই নিৰ্দেশনাবোৰ জাৰি কৰা হ’ল। আপোনাৰ বিশ্বাসী, (সৌৰভ সিনহা) |