৪ জুলাই, ২০১৮

নকল ই-মেইলৰ বিষয়ে আৰ বি আইৰ সতৰ্কীকৰণ

ভাৰতীয় ৰিজাৰ্ভ বেংকে, আৰ বি আইৰ নামটো ব্যৱহাৰ কৰি অসাধু চক্ৰই চলাই থকা কাৰ্যকলাপ আৰু সৰ্বসাধাৰণ ৰাইজক প্ৰৱঞ্চনা কৰাৰ বিষয়ে সময়ে সময়ে সতৰ্ক কৰি আহিছে। এনে শক্তিবোৰে আৰ বি আইৰ জাল লেটাৰ হেড ব্যৱহাৰ কৰে, আৰ বি আইৰ কৰ্মচাৰী বুলি ভুৱা পৰিচয় দি ই-মেইল পঠিয়ায় আৰু জনসাধাৰণক মিছাকৈ ধন দিয়াৰ/ লটাৰী জিকাৰ/অন্য দেশৰ পৰা বিদেশী মুদ্ৰাত সস্তাতে পুঁজি স্থানান্তৰৰ প্ৰলোভন দিয়ে। লক্ষ্য কৰি লোৱা লোকক কাৰেন্সি প্ৰচেছিং ফিজ, বিদেশী মুদ্ৰা সলনি কৰাৰ মাচুল, আগতীয়া প্ৰদান আদি দিবলৈ কোৱা হয়। এনে নকল ই-মেইলৰ বিষয়ে জনসাধাৰণক সজাগ কৰিবৰ কাৰণে আৰ বি আয়ে ৰাজহুৱা সজাগতা অভিযানৰ যোগেদি ৰাইজলৈ ই-মেইলযোগে, বিজ্ঞাপন প্ৰচাৰ আৰু সজাগতা চলচ্চিত্ৰ প্ৰচাৰৰ দৰে ব্যৱস্থা গ্ৰহণ কৰি আহিছে।

আৰ বি আয়ে নিম্নোক্তখিনি পুনৰবাৰ দোহাৰে-

• আৰ বি আয়ে ব্যক্তিৰ বাবে কোনো একাউণ্ট ধাৰণ নকৰে।

• আৰ বি আই কৰ্মচাৰীৰ ভেশধাৰীৰ প্ৰতি সতৰ্ক হওক।

• লটাৰী জিকা/বিদেশৰ পৰা টকা অহাৰ বিষয়ে আৰ বি আইৰ পৰা কোনেও ফোন নকৰে।

• লটাৰী পোৱাৰ বিষয়ে জনাই আৰ বি আয়ে ই-মেইল নপঠায়।

• লটাৰী পোৱা বা বিদেশৰ পৰা ধন অহাৰ বিষয়ে ভুৱা প্ৰলোভন দি আৰ বি আয়ে কোনো SMS বা চিঠি বা ই-মেইল নপঠায়।

• ভাৰতীয় ৰিজাৰ্ভ বেংকৰ একমাত্ৰ আৰু প্ৰকৃত ৱেবছাইট হল (/en/web/rbi https://rbi.org.in)। জনসাধাৰণক সতৰ্ক কৰা হল যাতে Reserve Bank, ‘RBI’ আৰম্ভণিৰে ভুৱা লগ’সহ অনুৰূপ ঠিকনাযুক্ত ভুৱা ৱেবছাইটত ভোল নাযায়।

• এনে প্ৰৱঞ্চনাৰ বিষয়ে তত্ক্ষণাত স্থানীয় আৰক্ষী বা চাইবাৰ অপৰাধ প্ৰাধিকৰণক জনাওক।

এনে ব্যক্তি/ সত্ত্বাৰ পৰা পোৱা কোনো যোগাযোগৰ সঁহাৰি নিদিবলৈ আৰু আৰ বি আইৰ নামত অহা প্ৰৱঞ্চনামূলক ই-মেইলত ভোল নাযাবলৈ জনসাধাৰণক আহ্বান জনোৱা হল।

জোছ. জে. কাট্টুৰ
মুখ্য মহা প্ৰৱন্ধক

প্ৰেছ বিজ্ঞপ্তি – ২০১৮-১৯/৩৪