২১ মাৰ্চ, ২০১৭

আৰ বি আয়ে ইক’-ইণ্ডিয়া ফাইনেন্সিয়েল চাৰ্ভিছেজ প্ৰাইভেট লিমিটেডক দণ্ড বিহিছে

ভাৰতীয় ৰিজাৰ্ভ বেংক (আৰ বি আই)য়ে, আৰ বি আই নিৰ্দেশনা মানি নচলা আৰু ভ্ৰান্তিজনক ৰিপৰ্টিঙৰ বাবে পি এছ এছ আইন, ২০০৭ৰ ধাৰা ৩০ৰ উপবন্ধসমূহৰ অধীনত ইয়াক প্ৰদত্ত ক্ষমতা প্ৰয়োগ কৰি ইক’-ইণ্ডিয়া ফাইনেন্সিয়েল চাৰ্ভিছেজ প্ৰাইভেট লিমিটেড (সত্ত্বা)ৰ ওপৰত ৫,০০,০০০ টকা (পাঁচ লাখ টকা মাত্ৰ)ৰ অৰ্থদণ্ড আৰোপ কৰিছে।

ভাৰতীয় ৰিজাৰ্ভ বেংকে ইয়াৰ পূৰ্বে ৰিটাৰ্ণবোৰৰ পংখানুপুংখ পৰীক্ষণৰ ভিত্তিত সত্ত্বাটোক কাৰণ দৰ্শোৱাৰ জাননী জাৰি কৰিছিল যাৰ সমিধানত সত্ত্বাটোৱে লিখিত উত্তৰ দাখিল কৰিছিল। ঘটনাটোৰ প্ৰকৃত সত্য আৰু সত্ত্বাটোৱে দাখিল কৰা বক্তব্যৰ বিবেচনাৰ অন্তত ৰিজাৰ্ভ বেংক এই নিৰ্ণয়লৈ আহে যে অভিযোগবোৰ সাব্যস্ত হৈছে।

অনিৰুদ্ধ ডি. যাধৱ
সহকাৰী পৰিচালক

প্ৰেছ বিজ্ঞপ্তি – ২০১৬-২০১৭/২৫১৬