తేదీ: 01/07/2020

యూత్ డెవెలప్మెంట్ కో-ఆపరేటివ్ బ్యాంక్ లి., కొల్హాపూర్, మహారాష్ట్ర –
బ్యాంకింగ్ నియంత్రణ చట్టం,1949, సెక్షన్‌ 35 A క్రింద నిర్దేశాలు

జనవరి 04, 2019 తేదీ జారీచేసిన DCBS.CO.BSD-I/D-06/12.22.311/2018-19 ఆదేశాలద్వారా, యూత్ డెవెలప్మెంట్ కో-ఆపరేటివ్ బ్యాంక్ లి., కొల్హాపూర్, మహారాష్ట్ర , జనవరి 05, 2019 పని ముగింపు వేళల నుండి, నిర్దేశాల పరిధిలోకి తేబడినది. ఆ నిర్దేశాల గడువు, తదుపరి అదేశాల ద్వారా ఎప్పటికప్పుడు పొడిగించడం జరిగింది. జనవరి 01, 2020 తేదీన జారీ చేసిన చివరి ఆదేశం DOR.CO.AID/D-46/12.22.311/2019-20 ద్వారా, జులై 05, 2020 వరకు సమీక్షకులోబడి, గడువు పొడిగించబడింది.

2. రిజర్వ్ బ్యాంక్, బ్యాంకింగ్ నియంత్రణ చట్టం 1949 సబ్-సెక్షన్‌ (1), సెక్షన్‌ 35 A (సెక్షన్‌ 56తో కలిపి), ద్వారా తమకు దఖలు పరచబడ్డ అధికారాలు వినియోగించి, పైన పేర్కొన్న బ్యాంకుకు జనవరి 04, 2019 తేదీ DCBS.CO.BSD-1/D-06/12.22.311/2018-19 ద్వారా జారీ చేయబడి, ఆ తరువాత ఎప్పటికప్పుడు పొడిగించబడుతూ, చివరిసారి జులై 05, 2020 వరకు పొడిగించబడ్డ నిర్దేశాలు, మరొక ఆరు నెలలు (అనగా జులై 06, 2020 నుండి జనవరి 05, 2021 వరకు) బ్యాంకుకు వర్తిస్తాయని, జూన్ 29, 2020 తేదీన జారీచేసిన DOR.CO.AID/No.D-93/12.22.311/2019-20, ద్వారా అదేశించడం జరిగిందని, ప్రజలకు తెలియజేయడమైనది. ఈ ఆదేశాలు తిరిగి సమీక్షించవచ్చు. పైన తెలిపిన నిర్దేశాలలోని ఇతర నియమ నిబంధనలలో ఎట్టి మార్పూ లేదు.

3. కాలపరిమితి పెంచుతూ, జూన్ 29,2020 తేదీన జారీచేసిన ఆదేశాల ప్రతి, యూత్ డెవెలప్మెంట్ కో-ఆపరేటివ్ బ్యాంక్ లి., కొల్హాపూర్, మహారాష్ట్ర ఆవరణలో, ప్రజల సమాచారార్ధం, ప్రదర్శించబడినది.

4. పైన తెలిపిన కాలపరిమితి పొడిగింపు మరియు / లేక మార్పులు చేసినంతమాత్రాన, బ్యాంకుయొక్క ఆర్థిక పరిస్థితి బాగా మెరుగుపడిందని రిజర్వ్ బ్యాంక్ సంతృప్తి చెందినట్లుగా, ఏ మాత్రమూ భావించరాదు.

(యోగేశ్ దయాల్) 
చీఫ్ జనరల్ మానేజర్

పత్రికా ప్రకటన: 2020-2021/4