తేది: 24/09/2019

పంజాబ్ అండ్ మహారాష్ట్ర కో-ఆపరేటివ్ బ్యాంక్ లి., ముంబై, మహారాష్ట్ర –బ్యాంకింగ్
నియంత్రణ చట్టం, 1949 (కో-ఆపరేటివ్ సొసైటీలకు వర్తించేమేరకు),సెక్షన్‌ 35 A క్రింద నిర్దేశాల జారీ

రిజర్వ్ బ్యాంక్ ఆఫ్ ఇండియా (వారి ఆదేశాలు తేదీ సెప్టెంబర్ 23, 2019 ద్వారా), పంజాబ్ అండ్ మహారాష్ట్ర కో-ఆపరేటివ్ బ్యాంక్ లి., ముంబై, మహారాష్ట్రను నిర్దేశాల పరిధిలోకి తెచ్చినది. ఈ నిర్దేశాలను అనుసరించి, ప్రతి సేవింగ్స్ బ్యాంక్ / కరెంట్ అకౌంట్ / ఏ ఇతర డిపాజిట్ ఖాతాలో (ఏ పేరుతో పిలవబడినా), గల మొత్తం నిల్వ నుండి రూ. 1,000 (కేవలం ఒక వెయ్యి రూపాయిలు) మించకుండా, రిజర్వ్ బ్యాంక్ నిబంధనలకు లోబడి, విత్‌డ్రా చేయుటకు అనుమతించబడుతుంది. ఇంతేగాక, పంజాబ్ అండ్ మహారాష్ట్ర కో-ఆపరేటివ్ బ్యాంక్ లి., ముంబై, మహారాష్ట్ర, రిజర్వ్ బ్యాంక్ లిఖితపూర్వక అనుమతి లేనిదే, సెప్టెంబర్ 23, 2019 తేదీన జారీచేసిన ఆదేశాలను అతిక్రమించి, అప్పులు, రుణాలు జారీ చేయుట/నవీకరించుట; పెట్టుబడులు పెట్టుట; అప్పులు, క్రొత్త డిపాజిట్లు స్వీకరించుటతో కలిపి, ఎటువంటి భారము అంగీకరించుట; వారు చేసిన రుణాలు తిరిగి చెల్లించుటకుగాని లేక మరొక కారణంగాగాని ఎటువంటి చెల్లింపులు చేయుట లేక చెల్లించుటకు అంగీకరించుట; రాజీ లేక ఇతర ఒప్పందాలు కుదుర్చుకొనుట; వారి ఆస్తులను అమ్ముట, బదిలీ చేయుట లేక ఇతర మార్గాలలో ఇచ్చివేయుట, చేయరాదు. ఈ నిర్దేశాలు, సెప్టెంబర్ 23, 2019 బ్యాంక్ పనివేళల ముగింపు సమయంనుండి, ఆరు నెలల కాలం అమలులో ఉంటాయి.

పై నిర్దేశాలు జారీ చేసినంత మాత్రాన, బ్యాంకు లైసెన్స్ రద్దు చేసినట్లు భావించరాదు. తదుపరి సూచన / ఆదేశాలు జారీచేసేవరకు బ్యాంక్, కొన్ని నిబంధనలతో బ్యాంకింగ్ కార్యకలాపాలు కొనసాగిస్తుంది. పరిస్థితులను సమీక్షించి, రిజర్వ్ బ్యాంక్ ఈనిర్దేశాలలో మార్పులు చేయవచ్చు.

బ్యాంకింగ్ రెగ్యులేషన్‌ చట్టం 1949, సెక్షన్‌ 35A (సెక్షన్‌ 56 తో కలిపి), సబ్-సెక్షన్‌ (1) క్రింద తమకు దఖలు పరచిన అధికారాలతో, రిజర్వ్ బ్యాంక్, ఈఆదేశాలను జారీ చేసింది. సెప్టెంబర్ 23, 2019 తేదీన జారీచేసిన ఆదేశాల ప్రతి, ప్రజల సమాచారం కోసం, పంజాబ్ అండ్ మహారాష్ట్ర కో-ఆపరేటివ్ బ్యాంక్ ప్రాంగణంలో, ప్రదర్శింపబడినది.

యోగేశ్ దయాల్  
చీఫ్ జనరల్ మానేజర్

పత్రికా ప్రకటన: 2019-2020/766