తేది: జులై 04, 2018

మోసపూరిత ఇ-మైళ్ళ (fictitious e-mails) గురించి, రిజర్వ్ బ్యాంక్ హెచ్చరిక

రిజర్వ్ బ్యాంక్ పేరుతో మోసగాళ్ళు, ప్రజలను వంచిస్తున్నారని రిజర్వ్ బ్యాంక్, ఇంతకు ముందునుండి ఎన్నోమార్లు చెబుతూవచ్చింది. ఈ దగాకోరులు, రిజర్వ్ బ్యాంక్ నకిలీ లెటర్ హెడ్లు వినియోగించి, రిజర్వ్ బ్యాంక్ అధికారులవలె నటిస్తూ అబద్ధపు ఉద్యోగావకాశాలు, లాటరీలో గెలుపొందారని, విదేశీ ముద్రా రుణాలు చవకగా ఇప్పిస్తామని మోసపూరిత ఇ-మైళ్ళు పంపుతూ ఉంటారు. అవి నమ్మి మోసపోయిన వారినుండి, ప్రాసెసింగ్ రుసుము / విదేశీ ముద్రా మారక రుసుము / ముందు చెల్లింపు, పేరిట సొమ్ము వసూలుచేస్తారు. 'ప్రజల అవగాహన కొరకు ప్రచారం' (Public Awareness Campaign) లో భాగంగా, రిజర్వ్ బ్యాంక్ ఎస్ ఎమ్‌ ఎస్‌లు, బయట ప్రకటనలు, లఘుచిత్రాల ద్వారా ప్రజలకు అవగాహన కల్పిస్తోంది.

రిజర్వ్ బ్యాంక్, ఈ క్రింది విషయాలు మరొకమారు నొక్కి చెపుతున్నది:

• రిజర్వ్ బ్యాంకులో వ్యక్తుల ఖాతాలు ఉండవు.
• రిజర్వ్ బ్యాంక్ అధికారుల పేర్లు, మోసపూర్వక వినియోగంపై జాగ్రత్త వహించండి.
• రిజర్వ్ బ్యాంకు నుండి ఎవ్వరూ లాటరీవచ్చిందని / విదేశాలనుండి సొమ్ము వచ్చిందని, మీకు కాల్ చేయరు.
• రిజర్వ్ బ్యాంక్, మీరు లాటరీలో గెలిచినట్లు ఎప్పుడూ ఇ-మైల్స్ పంపించదు.
• రిజర్వ్ బ్యాంక్ ఎన్నడూ మీరు లాటరీలో గెలిచారనీ, విదేశాలనుండి మీకు సొమ్ము వచ్చిందని తెలుపుతూ, ఎస్ ఎమ్‌ ఎస్, ఉత్తరం, లేక ఇ-మైల్ పంపించదు.
• రిజర్వ్ బ్యాంకుయొక్క నిజమైన అధికారిక, వెబ్‌సైట్ /en/web/rbi లేక /en/web/rbi. అదేవిధంగా కనబడే 'రిజర్వ్ బ్యాంక్' (‘Reserve Bank’) 'అర్ బి ఐ' (‘RBI’) నకిలీ లోగోలు గల వెబ్‌సైట్లను చూసి మోసపోవద్దని, ప్రజలకు విజ్ఞప్తి.
• ఇటువంటి మోసాల గురించి పోలీసులకు లేదా సైబర్ క్రైమ్‌ అధికారులకు తక్షణం ఫిర్యాదుచేయండి.

రిజర్వ్ బ్యాంక్ పేరుతో అటువంటి సందేశాలు పంపే మోసగాళ్ళకు / మోసపూరిత సంస్థలకు జవాబు ఈయవద్దని, వారి వలలో పడవద్దని ప్రజలకు సూచన.

జోస్ జె కత్తూర్
చీఫ్ జనరల్ మానేజర్

పత్రికా ప్రకటన 2018-2019/34