భారతీయ రిజర్వు బ్యాంకు వారు, “డిపాజిట్ల  ఖాతాల నిర్వహణ” విషయములో  ప్రాధమిక పట్టణ సహకార బ్యాంకులు, ఇతర బ్యాంకులలో  పెట్టే డిపాజిట్లపై   జారీ చేసిన నిబంధనలను  సక్రమముగా  అమలుపరచనందులకు గాను, తమ 22-08-2023 తేది నాటి ఉత్తర్వు ద్వారా ది బేచరాజి నాగరిక సహకారి బ్యాంకు లిమిటెడ్, మెహ్సానా జిల్లా,గుజరాత్ పై రు.2.00 లక్షలు  ( అక్షరాల రెండు  లక్షల రూపాయలు మాత్రమే  ) ఆర్ధిక జరిమానా (పెనాల్టీ) విధించడము జరిగింది.

బ్యాంకింగ్   రెగ్యులేషన్ చట్టము 1949 లోని సెక్షన్ 47 ఎ(1) (సి) మరియు సెక్షన్ 46(4)(  ఐ) మరియు సెక్షన్ 56 ల ద్వారా తమకు సంక్రమించిన అధికారాలకు లోబడి  రిజర్వు బ్యాంకు ఈ జరిమానా ను విధించడమైనది.

చట్ట బద్ధముగా పాటించవలసిన ఆదేశాలను పాటించకపోవడము అనే లోపము వలన ఈ చర్య తీసుకోవడము జరిగింది కాని, సదరు  బ్యాంకు తమ ఖాతాదారులతో చేసుకున్న ఒప్పందాలు లేదా లావాదీవీల ప్రామాణికతకు సంబంధించినది కాదు.

నేపధ్యము

ఈ బ్యాంకు యొక్క 31-03-2022 తేది నాటి ఆర్ధిక పరిస్థితి ప్రామాణికముగా రిజర్వు బ్యాంకు వారు చట్ట బద్ధ తనిఖీ నిర్వహించారు .ఆ తనిఖీ నివేదికను,ముప్పు అంచనాల నివేదిక మరియు తత్సంబంధిత పత్రములను పరిశీలించిన మీదట, ఈ బ్యాంకుకు, ఇతర బ్యాంకుల కు మధ్య ఉండవలసిన విచక్షణా యుతంగా నిర్ణయించబడిన  కౌంటర్ పార్టీ అత్యధిక   ఆర్ధిక పరిమితులను ఉల్లంఘించినదని నిర్ధారణకు రావడం  జరిగింది    

తదనుగుణంగా,పైన పొందుపరచిన అవకతవకలు జరిగినందులకు గాను, భారతీయ రిజర్వు బ్యాంకు  ఆదేశాలు పాటించనందులకుగాను ఈ బ్యాంకుపై ఎందుకు జరిమానా విధించరాదో వివరణ ఇవ్వ వలసినదిగా బ్యాంకు కు నోటీసు ఇవ్వడమైనది.

ఈ బ్యాంకు సమర్పించిన వివరణ పరిశీలించిన మీదట, వ్యక్తిగత మౌఖిక విచారణ లో వాదన విన్నమీదట, రిజర్వు బ్యాంకు వారు సూచించిన చట్టబద్డమైన ఆదేశాల ఉల్లంఘన జరిగిందని నిర్ధారించుకుని ఈ బ్యాంకు పై ఆర్ధిక పరమైన జరిమానాను విధించడమైనది . 

యోగేష్ దయాళ్
చీఫ్జ నరల్ మేనేజర్

పత్రిక ప్రకటన విడుదల 2023-24/922