తేది: 06/03/2023

నకోదర్ హిందూ నగర సహకార బ్యాంక్ లిమిటెడ్, నకోదర్‌పై పై
భారతీయ రిజర్వు బ్యాంకు ద్వారా ద్రవ్య జరిమానా విధింపు

భారతీయ రిజర్వు బ్యాంకు (RBI మార్చ్ 01, 2023 నాటి ఆదేశం ద్వారా, ది నకోదర్ హిందూ నగర సహకార బ్యాంక్ లిమిటెడ్, నకోదర్ (బ్యాంకు)పై బ్యాంకింగ్ నియంత్రణ చట్టం, 1949లోని సెక్షన్ 56తో కలిపి సెక్షన్ 35A మరియు సెక్షన్ 36 (1) ఉల్లంఘనకు ₹3.00 లక్షల (రూ. మూడు లక్షలు మాత్రమే) జరిమానా విధించింది. బ్యాంకింగ్ నియంత్రణ చట్టం, 1949 లోని సెక్షన్ 46(4) (i) మరియు సెక్షన్ 56 తో కలిపి, సెక్షన్ 47A (1)(c) లోని అధికారాలను వినియోగించుకొని ఈ జరిమానా విధించబడింది.

ఈ చర్య నియంత్రణ అనుపాలనల లోపాలపై ఆధారపడి తీసుకున్నదే తప్ప, బ్యాంక్ తన వినియోగదారులతో కుదుర్చుకున్న ఏదైనా లావాదేవీ లేదా ఒప్పందం యొక్క చెల్లుబాటుపై వ్యక్తీకరించే అభిప్రాయంగా ఉద్దేశించబడలేదు.

నేపధ్యము

బ్యాంక్ సమర్పించిన జూలై 26, 2021 నాటి సూపర్‌వైజరీ యాక్షన్ ఫ్రేమ్‌వర్క్ (SAF) సమీక్ష నివేదిక అనుసరించి వివిధ కాల వ్యవధి డిపాజిట్లపై వడ్డీ రేట్లను, SAF మార్గదర్శకాలను పాటించకుండా SBI అందించే దాని కంటే ఎక్కువగా అందించినట్లు వెల్లడించింది. దీని ఆధారంగా, ఆదేశాలను పాటించనందుకు జరిమానా ఎందుకు విధించకూడదో కారణం చూపాలని కోరుతూ బ్యాంకుకు నోటీసు జారీ చేయబడింది.

బ్యాంక్ యొక్క ప్రత్యుత్తరం మరియు వ్యక్తిగత విచారణ లోని మౌఖిక సమర్పణ అంశాలను పరిగణలోకి తీసుకున్న తరువాత, ఈ విషయంలో బ్యాంకు ద్వారా బ్యాంకింగ్ నియంత్రణ చట్టం, 1949లోని సెక్షన్ 56తో కలిపి సెక్షన్ 35A మరియు సెక్షన్ 36 (1) క్రింద జారీ చేయబడిన SAF మార్గదర్శకాలను పాటించడంలో ఆదేశాల ఉల్లంఘన వాస్తవమని మరియు జరిమానా విధించదగినదిగా, భారతీయ రిజర్వు బ్యాంకు నిర్ధారణకు వచ్చింది.

(యోగేష్ దయాల్) 
చీఫ్ జనరల్ మేనేజర్

పత్రికా ప్రకటన: 2022-2023/1835