RBI/2019-20/228
DOR.BP.BC.N0.68/21.04.018/2019-20

ఏప్రిల్ 29, 2020

అన్ని వాణిజ్య బ్యాంకులు (ప్రాంతీయ గ్రామీణ బ్యాంకులు, చిన్న ఫైనాన్స్ బ్యాంకులతో సహా); చెల్లింపు బ్యాంకులు; స్థానిక బ్యాంకులు; జాతీయ ఆర్థిక సంస్థలు; సహకార బ్యాంకులు

అమ్మా / అయ్యా,

నియంత్రణా నివేదికల (regulatory reports) సమర్పణ – కాలవ్యవధుల (timeline) పొడిగింపు

కోవిడ్–19 వ్యాధి వ్యాప్తి కారణంగా, సకాలంలో నియంత్రణా నివేదికలు సమర్పించడంలో కలుగుతున్న సమస్యలు తేలిక చేయుటకు, అవి సమర్పించవలసిన కాలవ్యవధులు (timeline) పొడిగించుటకు నిశ్చయించబడినది.

2. తదనుసారంగా, పై సంస్థలు నియంత్రణా విభాగానికి సమర్పించవలసిన నివేదికలు, గడు వుతేది నుండి 30 రోజుల జాప్యంతో సమర్పించవచ్చు. జూన్ 30, 2020 తేదీవరకు సమర్పించవలసిన నివేదికలకు ఈ పొడిగింపు వర్తిస్తుంది. మరిన్ని వివరాలు అనుబంధంలో ఇవ్వబడ్డాయి. వీలుకలిగిన సంస్థలు, నివేదికలు ముందే సమర్పించవచ్చు.

3. అయితే, చట్టబద్ధంగా నిర్దేశించిన నివేదికలు సమర్పించవలసిన కాలవ్యవధులలో ఎట్టి పొడిగింపూ లేదు – ఉదా: బ్యాంకింగ్ నియంత్రణ చట్టం, 1949; రిజర్వ్ బ్యాంక్ ఆఫ్ ఇండియా చట్టం, 1934 లేక నగదు నిల్వల నిష్పత్తి / చట్టబద్ధ ద్రవ్య నిష్పత్తి (సి ఆర్ ఆర్ /ఎస్ ఎల్ ఆర్, CRR / SLR) లకు సంబంధించిన నివేదికలు.

4. ఇంతేగాక, నియంత్రణా విభాగానికి అన్ని సందేశాలు, వీలయినంతవరకు కార్పొరేట్ ఇ –మెయిల్ ద్వారా పంపవలెను (అనగా, భౌతికంగా పత్రాల కదలిక అవసరం లేకుండా). ఈ ఏర్పాటు, తిరిగి నోటీసు జారీ చేసేవరకు అమలులో ఉంటుంది.

మీ విశ్వాసపాత్రులు,

(సౌరవ్ సిన్హా)
చీఫ్ జనరల్ మానేజర్ ఇన్-చార్జ్

అనుబంధం: గడువుతేదినుండి, గరిష్ఠంగా ఒక నెలజాప్యంతో
సమర్పించుటకు అనుమతించబడ్డ నివేదికల జాబితా