ଆପଣ ଜାଣନ୍ତି କି ଯେ ଯଦି ଆପଣଙ୍କର ବୟସ 70 ବର୍ଷରୁ ଅଧିକ ଅଟେ, ତେବେ ଆପଣ ନିଜ ଘରୁ କେତେକ ନିର୍ଦ୍ଧିଷ୍ଟ ମୌଳିକ ବ୍ୟାଙ୍କିଙ୍ଗ କାରବାର କାର୍ଯ୍ୟ କରିପାରିବେ ? ବ୍ୟାଙ୍କ ଆପଣଙ୍କ ଘରୁ ଟଙ୍କା କିମ୍ବା ଚେକ ସଂଗ୍ରହ କରିବାର ବ୍ୟବସ୍ଥା କରିବ, ଯେଉଥି ପାଇଁ ଆପଣଙ୍କୁ ପ୍ରାପ୍ତ ରସିଦ ଦିଆଯିବ । ଆଉ ମଧ୍ୟ ଆପଣଙ୍କ ଖାତାରୁ ନଗଦ ଆହରଣ କିମ୍ବା ଡିମାଣ୍ଡ ଡ୍ରାଫ୍ଟ ଦ୍ଵାରା ଆହରିତ ରାଶି ଆପଣଙ୍କୁ ପ୍ରଦାନ କରିବ । ସବୁଠୁ ଗୁରୁତ୍ତ୍ୱପୂର୍ଣ୍ଣ କଥା ହେଉଛି ଆପଣ ଘରେ ବସି ନିଜର କେୱାଇସି କାଗଜପତ୍ର ଏବଂ ଜୀବନ ପ୍ରମାଣପତ୍ର ମଧ୍ୟ ବ୍ୟାଙ୍କରେ ଜମା କରିପାରିବେ । ନିଜର ମଣ୍ଡଳୀ ଦ୍ଵାରା ସ୍ବୀକୃତ ପଲିସୀ ଆଧାରରେ ବ୍ୟାଙ୍କ ଆପଣଙ୍କ ଠାରୁ ପ୍ରତିବଦଳରେ କିଛି ମୂଲ୍ୟ ନେଇ ପାରେ, ତେବେ ବରିଷ୍ଠ ନାଗରିକ ମାନଙ୍କୁ ବିନା ଶୁଳ୍କରେ କେତେକ ଅନ୍ୟାନ୍ୟ ସୁବିଧା ପ୍ରଦାନ କରିବା ପାଇଁ ମଧ୍ୟ ବ୍ୟାଙ୍କ ଗୁଡ଼ିକୁ ନିର୍ଦ୍ଦେଶ ଦିଆଯାଇଛି । ବରିଷ୍ଠ ନାଗରିକ ମାନଙ୍କ ପାଇଁ ବ୍ୟାଙ୍କିଙ୍ଗ ସୁବିଧା ଜନିତ ଆରବିଆଇ ନିର୍ଦ୍ଦେଶ ବାବଦରେ ଅଧିକ ଜାଣିବା ପାଇଁ ଭିଜିଟ କରନ୍ତୁ www.rbi.org.in/seniorcitizens