શું તમે જાણો છો કે જો તમારી ઉંમર 70 વર્ષથી વધુ હોય તો તમે તમારે ઘરે બેઠાં અમુક મૂળભુત બેંકિંગ લેવડ – દેવડ કરી શકો છો. બૅન્ક તમારા ઘરેથી કૅશ અથવા ચૅક એકત્ર કરવાની વ્યવસ્થા કરશે. જેની સામે તમને તે મળ્યાની રસીદ આપવામાં આવશે. તમારા ખાતામાંથી કાઢવામાં આવેલી રોકડ રકમ અથવા તમારા ખાતામાંથી ડિમાન્ડ ડ્રાફટથી કાઢવામાં આવેલી રકમ પણ તમને પહોંચાડવામાં આવશે. સૌથી મહત્વની વાત તમે ઘરે બેઠાં તમારા કેવાયસી દસ્તાવેજો અને લાઇફ સર્ટિફિકેટ પણ જમા કરાવી શકો છો. બેંક આ સેવા માટે તેમના બૉર્ડ દ્વારા સ્વીકૃત પૉલિસીને આધારે ચાર્જ વસૂલ કરી શકે છે. અલબત, વરિષ્ઠ નાગરિકોને કેટલીક સેવાઓ નિ:શુલ્ક આપવાનું પણ બેંકને જણાવવામાં આવ્યું છે. વરિષ્ઠ નાગરિકોને બેંકોએ કઈ બેંકિંગ સુવિધાઓ આપવી એ અંગે આરબીઆઈએ આપેલી સૂચનાઓ વિશે વધુ જાણવા માટે અહીં વિઝિટ કરો www. rbi.org.in /seniorcitizens