ઓવરવ્યૂ

મોટી રકમનું વચન આપતા અનિચ્છનીય ઈમેઈલ, કોલ્સ અને મેસેજીસ નકલી હોય છે. તમારા મહેનતથી કમાયેલાં નાણાંને જોખમમાં નહીં મૂકો.

• આરબીઆઈ, આરબીઆઈના અધિકારીઓ અને / અથવા કોઈ પણ પ્રશાસન તમારું કાર્ડ બ્લૉક કરાશે એવું કહે અથવા તમને મોટી રકમનું વચન આપે તો છેતરાશો નહીં.
• જાણીતી અથવા અજ્ઞાત સંસ્થાઓ પાસેથી મોટી રકમ પ્રાપ્ત કરવા માટે કોઈને પણ આરંભિક ડિપૉઝિટ, કમિશન કે ટ્રાન્સફર ફી તરીકે નાણાં મોકલશો નહીં.
• આરબીઆઈ કોઈનું અકાઉન્ટ ખોલતી નથી કે ક્રેડિટ કે ડેબિટ કાર્ડ ઑફર કરતી નથી.
• તમારી બેંક અકાઉન્ટની વિગતો, ઈન્ટરનેટ બેંકિંગ યુઝર આઈડી, પાસવર્ડ, ક્રેડિટ કાર્ડ કે ડેબિટ કાર્ડ નંબર, સીવીવી, એટીએમ પિન કે ઓટીપી કોઈને પણ જણાવશો નહીં. * આરબીઆઈ કે તમારી બેંક તે માટે ક્યારેય પૂછતી નથી.
• એસએમએસ / ઈમેઈલ થકી પ્રાપ્ત લિંક્સ પર ક્લિક કરીને તમારા બેંક અકાઉન્ટની વિગતો આપશો નહીં. તમારી બેંકની વિધિસર સાઈટ કે તમારા ક્રેડિટ કે ડેબિટ કાર્ડની પાછળ આપેલી માહિતી પર જ આધાર રાખો.
• જો તમને વિદેશથી કે ભારતમાંથી સસ્તાં ભંડોળની કોઈ પણ ઑફર કરવામાં આવે તો સ્થાનિક પોલીસ, સાઈબર- ક્રાઈમ પ્રશાસન કે sachet@rbi.org.in પર ફરિયાદ નોંધાવો.

*તમારી લેણદેણની તમે પહેલ કરી હોય તે સિવાય.