તુરંત એલર્ટસ મેળવવા માટે તમારી બેન્ક પાસે તમારો મોબાઈલ નંબર અને ઈમેઈલ નોંધાવો. જો તમને તમે પહેલ કે અધિકૃતિ નહીં કરી હોય તેવી લેણદેણ વિશે એલર્ટ આવે તો તુરંત તમારી બેન્કને જણાવો. ઓનલાઈન બેન્કિંગ કરવા સમયે તમારે અમુક વધુ તકેદારી રાખવી જોઈએ. દાખલા તરીકે, તમારા મોબાઈલ, ઈમેઈલ અથવા વોલેટમાં બેન્કનો મહત્ત્વપૂર્ણ ડેટા સંગ્રહ નહીં કરો. વેરિફાઈડ, સંરક્ષિત અને ભરોસાપાત્ર વેબસાઈટનો જ ઉપયોગ કરો, એટલે કે, ઓનલાઈન બેન્કિંગ માટે https:થી શરૂ થતી વેબસાઈટ. જાહેર, ખુલ્લા અથવા મફત નેટવર્કસ થકી બેન્કિંગ ટાળો. તમારો ઓનલાઈન બેન્કિંગ પાસવર્ડ અને પિન બદલતા રહો. તમારું એટીએમ કાર્ડ, ક્રેડિટ કાર્ડ, પ્રીપેઈડ કાર્ડ ગેરવલ્લે થાય કે ચોરાય તો તુરંત બ્લોક કરાવો.