మీ బ్యాంక్ అకౌంట్ నుంచి ఎవరైనా మోసపూరితంగా డబ్బు ఉపసంహరించి ఉంటే, వెంటనే మీ బ్యాంకుకు తెలియజేయండి. మీరు బ్యాంకుకు తెలియజేసినప్పుడు, బ్యాంకు నుంచి ఎక్నాలెడ్జ్మెంట్ తీసుకోవాలని గుర్తుంచుకోండి. అందిన 90 రోజుల లోపల బ్యాంక్, మీ ఫిర్యాదును పరిష్కరించాలి.

మీ నిర్లక్ష్యం వల్ల లావాదేవీ జరిగితే, (అంటే మీరు మీ పాస్ వర్డ్, పిన్, ఓ టి పి మొదలైనవి ఇతరులకు చెప్పడంవల్ల), ఆ విషయం మీ బ్యాంకుకు తెలియచేసేంత వరకు మీరే నష్టం భరించవలసి ఉంటుంది. మీరు బ్యాంకుకు తెలియజేసిన తరువాత కూడా మోసపూరిత లావాదేవీలు కొనసాగితే, మీ బ్యాంక్ ఆ మొత్తాలను మీకు తిరిగి చెల్లించ వలసి ఉంటుంది. మీరు రిపోర్టు చేయడంలో జాప్యంచేస్తే, మీకు కలిగే నష్టం పెరుగుతుంది. కలిగిన నష్టం, ఆర్.బి.ఐ మార్గదర్శకాలు మరియు మీ బ్యాంకు బోర్డు ఆమోదించిన పాలసీ ఆధారంగా నిర్ణయించబడుతుంది