తక్షణం హెచ్చరికలు పొందేందుకు, బ్యాంకులో మీ మొబైల్ నంబరు మరియు ఈ-మెయిల్ రిజిస్టరు చేసుకోండి. మీరు చేయని లేదా అనుమతించని లావాదేవీ గురించి మీకు హెచ్చరిక అందితే, మీరు వెంటనే ఈ విషయం మీ బ్యాంక్ దృష్టికి తీసుకెళ్లవచ్చు. ఆన్ లైనులో బ్యాంకింగ్ చేసేటప్పుడు మీరు మరిన్ని జాగ్రత్తలు తీసుకోవలసి ఉంటుంది. ఉదాహరణకు, ముఖ్యమైన బ్యాంకింగ్ డేటాను మీ మొబైల్, ఈమెయిల్ లేదా వాలెట్ లో భద్రపరచుకోవద్దు. ఆన్ లైన్ బ్యాంకింగ్ కొరకు ధృవపరచుకొన్న, భద్రమైన మరియు నమ్మకమైన వెబ్ సైట్లను మాత్రమే, అంటే ‘https:’ ఉన్న వాటిని ఉపయోగించండి. పబ్లిక్, ఓపెన్ లేదా ఉచిత నెట్ వర్కుల ద్వారా బ్యాంకింగ్ చేయకండి. మీ ఆన్ లైన్ బ్యాంకింగ్ పాస్ వర్డ్ మరియు పిన్ మార్చుకోండి, మీ ఎటిఎం కార్డు, క్రెడిట్ కార్డు, ప్రీపెయిడ్ కార్డు పోతే లేదా దొంగిలించబడితే, వెంటనే బ్లాక్ చేయండి.