तुम्हाला माहित आहे का तुमचे वय जर ७० पेक्षा अधिक असेल तर तुम्ही विशिष्ट मूलभूत बँकिंग व्यवहार तुमच्या घरूनच करू शकता.बँक तुमच्या घरूनच कॅश किंवा चेक उचलण्याची व्यवस्था करील, ज्याची तुम्हाला पोचपावती दिली जाईल. तसेच तुमच्या अकाउंटमधून काढलेली कॅश किंवा डिमांड ड्राफ्ट तुम्हाला घरपोच करण्यात येईल. सर्वात महत्वाचे म्हणजे, तुम्ही तुमचे KYC दस्तावेज आणि हयातीचे प्रमाणपत्र देखील घरबसल्या दाखल करू शकता. बँक, ह्या सेवेसाठी तिच्या बोर्डाने संमत केलेल्या धोरणानुसार तुम्हाला शुल्क आकारू शकेल; तथापि, ज्येष्ठ नागरिकांना विशिष्ट अन्य सुविधा विनाशुल्क पुरवण्यासाठीही बँकांना सांगण्यात आले आहे. बँकिंग सुविधांच्या बाबतीत ज्येष्ठ नागरिकांसाठी आरबीआयने दिलेल्या सूचनांविषयी अधिक जाणून घेण्यासाठी www.rbi.org.in/seniorcitizens ला विजिट करा.