आढावा

• करन्सी नोटांमध्ये देशाची संपन्न आणि वैविध्यसमृद्ध संस्कृती, त्याचा स्वातंत्र्य लढा आणि देश म्हणून संपादित केलेल्या अभिमानास्पद गोष्टी प्रतिबिंबित होतात .
• देशाच्या सांस्कृतिक वारशाची सुस्पष्ट ओळख करून देण्याच्या दृष्टीने तसेच विज्ञानातील त्याच्या प्रगतीचे दर्शन घडवण्यासाठी , नोटांची नवीन डिझाइनमधील एक नवीन मालिका सादर करण्यात आली आहे.
• ह्या नवीन डिझाइनच्या बँक नोटा रंग , आकार आणि विषयसूत्र ह्याबातीत प्रचलित महात्मा गांधी बँक नोटांच्या मालिकेपेक्षा ठळकपणे वेगळ्या आहेत.नोटांच्या नवीन मालिकेचे विषयसूत्र भारताच्या वारशाचे दर्शन घडवणारी स्थळे हे आहे.
• ह्या नोटांमध्ये देवनागरीतील संख्या आणि ‘स्वच्छ भारत’चा लोगो, ह्या नवीन अन्य घटकांची भर घालण्यात आली आहे. तसेच नवीन नोटांच्या डिझाइनच्या घटकांमध्ये बहुलता आणि जटिल आकार व आकृतींचा अंतर्भाव आहे.
• प्रचलित बँक नोटांच्या मालिकेतील सुरक्षा वैशिष्ट्ये , जसे की वॉटरमार्क, सुरक्षा धागा , मूल्यवर्गीय संख्यांची गुप्त प्रतिमा, रंग बदलणाऱ्या शाईतील मूल्यवर्गीय संख्या पॅनेल्स,अंक पॅनेल्स , सी थ्रू रजिस्टर, इलेक्ट्रो टाइप, ब्लीड लाइन्स, वगैरे तशीच ठेवण्यात आली असून नवीन डिझाइनच्या नोटांमध्ये त्यांच्या संबंधित जागा बदलण्यात आलेल्या असू शकतात.