आढावा

मोठ्या पैशांचे आमिष दाखवणारे अनाहूत ई-मेल्स, कॉल्स आणि संदेश हे खोटे असतात. तुमचे मेहेनतीचे पैसे धोक्यात घालू नका.

• आरबीआय/ आरबीआयचे पदाधिकारी आणि / किंवा तुमचे कार्ड ब्लॉक झाले आहे हे सांगणारे कुणीही प्राधिकारी ह्यांच्या नावे आलेला एसएमएस , फोन,ईमेलने फसवले जाऊ नका.
• ज्ञात किंवा अज्ञात संस्थांकडून मोठी रक्कम मिळण्यासाठी प्रारंभिक ठेव , कमिशन किंवा हस्तांतरण शुल्क म्हणून पैसे पाठवू नका
• आरबीआय व्यक्तीचे खाते उघडत नाही, तसेच क्रेडिट किंवा डेबिट कार्ड देत नाही.
• तुमच्या बँक खात्याचे तपशील, इंटरनेट बँकिंग यूजर आयडी , पासवर्ड, क्रेडिट किंवा डेबिट कार्ड नंबर , सीव्हीव्ही , एटीएम पिन किंवा ओटीपी कुणालाही उघड करू नका. आरबीआय किंवा तुमची बँक हे कधीही मागणार नाही.
• एसएमएस / ईमेल मार्गे आलेल्या लिंक्स क्लिक करून तुमच्या बँक खात्याचे तपशील देऊ नका. फक्त तुमच्या बँकेच्या अधिकृत साइटवर किंवा तुमच्या क्रेडिट किंवा डेबिट कार्डच्या मागच्या बाजूला दिलेल्या माहितीवरच भरवसा ठेवा
• तुम्हाला जर परदेशातून किंवा भारतातून कुठूनही स्वस्त निधीचे कोणतेही प्रस्ताव आले तर तुम्ही स्थानिक पोलिस , सायबर गुन्हे प्राधिकारी किंवा sachet@rbi.org.in वर तक्रार दाखल करा.

*जेव्हा एखादा व्यवहार तुम्ही सुरू करता तो वगळून