അവലോകനം

ആവശ്യപ്പെട്ടിട്ടില്ലാത്ത ഇമെയിലുകൾ, കോളുകൾ, വലിയ തുക വാഗ്ദാനം ചെയ്യുന്ന സന്ദേശങ്ങൾ എന്നിവ വ്യാജമാണ്. നിങ്ങൾ കഠിനാധ്വാനം ചെയ്ത് നേടിയ പണത്തെ നഷ്ടപ്പെടുത്തരുത്.

• ആർ‌ബി‌ഐയുടെ, ആർ‌ബി‌ഐ ഉദ്യോഗസ്ഥരുടെ ഒപ്പം / അല്ലെങ്കിൽ ഏതെങ്കിലും അധികാരികളുടെ പേരിൽ നിങ്ങളുടെ കാർഡ് ബ്ലോക്ക് ആയി എന്ന് പറയുകയോ നിങ്ങൾക്ക് വലിയ തുക വാഗ്ദാനം ചെയ്യുകയോ ചെയ്യുന്ന എസ്‌എം‌എസ്, ഫോൺ, ഇമെയിൽ വഴി വഞ്ചിക്കപ്പെടരുത്.
• അറിയപ്പെടുന്ന അല്ലെങ്കിൽ അറിയപ്പെടാത്ത സംഘടനകളിൽ നിന്ന് വലിയ തുക സ്വീകരിക്കുന്നതിന് ആർക്കും പ്രാരംഭ നിക്ഷേപം, കമ്മീഷൻ അല്ലെങ്കിൽ ട്രാൻസ്ഫർ ഫീസായി പണം അയയ്ക്കരുത്
• ആർ‌ബി‌ഐ ഒരു വ്യക്തിയുടെ പേരില്‍ അക്കൗണ്ട് തുറക്കുന്നില്ല, ക്രെഡിറ്റ് അല്ലെങ്കിൽ ഡെബിറ്റ് കാർഡും വാഗ്ദാനം ചെയ്യുന്നില്ല
• നിങ്ങളുടെ ബാങ്ക് അക്കൗണ്ട് വിശദാംശങ്ങൾ, ഇന്‍റർനെറ്റ് ബാങ്കിംഗ് യൂസർ ഐഡി, പാസ്‌വേഡ്, ക്രെഡിറ്റ് അല്ലെങ്കിൽ ഡെബിറ്റ് കാർഡ് നമ്പർ, സിവി‌വി, എ‌ടി‌എം പിൻ അല്ലെങ്കിൽ ഒ‌ടി‌പി എന്നിവ ആർക്കും* വെളിപ്പെടുത്തരുത്. റിസർവ് ബാങ്കോ നിങ്ങളുടെ ബാങ്കോ ഒരിക്കലും ഇവ ആവശ്യപ്പെടില്ല.
• എസ്എംഎസ് / ഇമെയിൽ വഴി ലഭിച്ച ലിങ്കുകളിൽ ക്ലിക്ക് ചെയ്ത് നിങ്ങളുടെ ബാങ്ക് അക്കൗണ്ടിന്‍റെ വിശദാംശങ്ങൾ നൽകരുത്. നിങ്ങളുടെ ബാങ്കിന്‍റെ ഔദ്യോഗിക സൈറ്റിൽ അല്ലെങ്കിൽ നിങ്ങളുടെ ക്രെഡിറ്റ് അല്ലെങ്കിൽ ഡെബിറ്റ് കാർഡിന്‍റെ പിൻഭാഗത്തു നൽകിയിട്ടുള്ള വിവരങ്ങള്‍ മാത്രം ആശ്രയിക്കുക.
• വിദേശത്തു നിന്നോ ഇന്ത്യയ്ക്കുള്ളിൽ നിന്നോ നിങ്ങൾക്ക് ചെലവുകുറഞ്ഞ ഫണ്ടുകളുടെ വാഗ്ധാനം ലഭിക്കുകയാണെങ്കിൽ പ്രാദേശിക പോലീസ്, സൈബർ ക്രൈം അതോറിറ്റി അല്ലെങ്കിൽ sachet@rbi.org.in എന്നിവയിൽ പരാതി നൽകാം.

*നിങ്ങൾ ഒരു ഇടപാട് ആരംഭിക്കുമ്പോൾ ഒഴികെ