ਜੇ ਕਿਸੇ ਨੇ ਧੋਖੇ ਨਾਲ ਤੁਹਾਡੇ ਬੈਂਕ ਖਾਤੇ ਵਿੱਚੋਂ ਪੈਸੇ ਕਢਵਾਏ ਹਨ, ਤਾਂ ਬੈਂਕ ਨੂੰ ਤੁਰੰਤ ਇਹਦੀ ਸੂਚਨਾ ਦਿਓ। ਬੈਂਕ ਨੂੰ ਸੂਚਨਾ ਦੇਣ ਵੇਲ਼ੇ ਆਪਣੇ ਬੈਂਕ ਤੋਂ ਪਹੁੰਚ-ਰਸੀਦ ਲੈਣੀ ਨਾ ਭੁੱਲੋ। ਰਸੀਦ ਦੀ ਮਿਤੀ ਦੇ 90 ਦਿਨਾਂ ਅੰਦਰ ਬੈਂਕ ਨੂੰ ਤੁਹਾਡੀ ਸ਼ਿਕਾਇਤ ਹੱਲ ਕਰਨੀ ਪਵੇਗੀ।

ਜੇ ਲੈਣ-ਦੇਣ ਤੁਹਾਡੀ ਲਾਪਰਵਾਹੀ ਕਰਕੇ ਹੋਇਆ ਹੈ, ਜਿਵੇਂ ਕਿ ਤੁਹਾਡੇ ਦੁਆਰਾ ਆਪਣਾ ਪਾਸਵਰਡ, ਪਿੰਨ, ਓਟੀਪੀ ਆਦਿ ਦੂਜਿਆਂ ਨੂੰ ਦੱਸਣ ਕਰਕੇ, ਤਾਂ ਆਪਣੇ ਬੈਂਕ ਨੂੰ ਇਸ ਦੀ ਇਤਲਾਹ ਦੇਣ ਤਕ ਹੋਣ ਵਾਲ਼ਾ ਨੁਕਸਾਨ ਤੁਹਾਨੂੰ ਝੱਲਣਾ ਪਵੇਗਾ। ਜੇ ਤੁਹਾਡੇ ਦੁਆਰਾ ਬੈਂਕ ਨੂੰ ਸੂਚਨਾ ਦੇਣ ਦੇ ਬਾਅਦ ਵੀ ਧੋਖੇ ਵਾਲ਼ੇ ਲੈਣ-ਦੇਣ ਜਾਰੀ ਰਹਿੰਦੇ ਹਨ, ਤਾਂ ਬੈਂਕ ਨੂੰ ਇਹਨਾਂ ਰਕਮਾਂ ਦੀ ਭਰਪਾਈ ਕਰਨੀ ਪਵੇਗੀ। ਜੇ ਤੁਸੀਂ ਸੂਚਨਾ ਦੇਣ ਵਿੱਚ ਦੇਰੀ ਕਰੋਗੇ, ਤਾਂ ਤੁਹਾਡਾ ਨੁਕਸਾਨ ਵਧੇਗਾ ਅਤੇ ਇਸ ਦਾ ਫ਼ੈਸਲਾ ਆਰਬੀਆਈ ਦੇ ਦਿਸ਼ਾ-ਨਿਰਦੇਸ਼ਾਂ ਅਤੇ ਤੁਹਾਡੇ ਬੈਂਕ ਦੇ ਬੋਰਡ ਦੁਆਰਾ ਪ੍ਰਵਾਣਿਤ ਨੀਤੀ ਦੇ ਆਧਾਰ ਤੇ ਕੀਤਾ ਜਾਵੇਗਾ।